پاکستان اور مختلف ممالک میں شہیدوفاپروفیسرڈاکٹرحسن ظفرعارف شہید کی دوسری برسی عقیدت واحترام کے ساتھ منائی گئی

لندن … 14 جنوری 2020 ئ

پاکستان کے ممتاز فلاسفر، استاد، انقلابی رہنمااور رابطہ کمیٹی کے ڈپٹی کنوینرشہیدوفاپروفیسرڈاکٹرحسن ظفرعارف شہید کی دوسری برسی نہایت عقیدت واحترام کے ساتھ منائی گئی ، پاکستان سمیت دنیا کے مختلف ممالک میں شہیدوفاکوخراج عقیدت پیش کرنے کیلئے تعزیتی اجتماعات منعقد کئے گئے اور شہیدوفاکی روح کے ایصال ثواب کے لئے قرآن خوانی و فاتحہ خوانی کی گئی اورشہید کی یادمیں شمعیں روشن کی گئیں۔ پاکستان میںوفاپرست نوجوانوں،بزرگوںاورخواتین نے کراچی میں سخی حسن قبرستان میں ڈاکٹرحسن ظفر عارف شہید کی قبرپر جاکرپھول چڑھائے اورفاتحہ خوانی کی ۔ اس کے علاوہ کراچی سمیت پاکستان کے مختلف شہروں میں کارکنوں اور ہمدردوں نے ریاستی جبرکے باعث گھروںکے اندرقرآن خوانی اورفاتحہ خوانی کی اورشہیدکوخراج عقیدت پیش کیا۔ 

شہیدوفاپروفیسرڈاکٹرحسن ظفرعارف شہیدکی دوسری برسی کامرکزی اجتماع لندن میں ایم کیوایم انٹرنیشنل سیکریٹریٹ میں منعقد کیاگیاجس میں اراکین رابطہ کمیٹی،ایم کیوایم یوکے کی سینٹرل کوآرڈی نیشن کمیٹی کے ارکان، لندن ، برمنگھم ، مانچسٹراوربریڈفورڈ سے کارکنوں، ان کے اہل خانہ اورشعبہ خواتین کی ارکان نے شرکت کی ۔ اس موقع پر قرآن خوانی کی گئی ۔ ایم کیوایم کے بانی وقائدجناب الطاف حسین نے تعزیتی اجتماع سے فون پر خطاب کیااور شہید وفا کی روح کے ایصال ثواب کے لئے فاتحہ خوانی کرائی۔فاتحہ خوانی کے بعد شہیدوفاڈاکٹرحسن ظفر عارف کوخراج عقیدت پیش کرنے کے لئے شمعیں روشن کی گئیں ۔ اس دوران شہیدوں کے لئے تیارکردہ خصوصی ترانہ بھی بجایاجاتارہا۔ رابطہ کمیٹی کے ارکان، یوکے یونٹ کے ذمہ داروں، کارکنوں، خواتین اوربچوں نے قطار لگاکر شمعیں روشن کیں اورشہید کے درجات کی بلندی کے لئے دعاکی ۔ تعزیتی اجتماع کے موقع پرہال میں ڈاکٹرحسن ظفر عارف شہید کی بڑی بڑی تصاویرلگائی گئی تھیں جبکہ ایک بڑی اسکرین پر شہیدوفاکوخراج عقیدت پیش کرنے کیلئے انگریزی میں کلمات درج تھے ۔ اس موقع پر رابطہ کمیٹی کے ڈپٹی کنوینرقاسم علی رضا،رابطہ کمیٹی کے ارکان مصطفےٰ عزیزآبادی، سفیان یوسف ،ارشدحسین اورسینئررکن طارق جاویدنے ایک وڈیوبریفنگ سے خطاب کیا جس میں انہوں نے شہیدوفاڈاکٹرحسن ظفر عارف کی تحریک کے لئے قربانیوںاوران کی خدمات پر روشمنی ڈالی اورانہیں زبردست خراج عقید ت پیش کیا۔ انٹرنیشنل سیکریٹریٹ میں ہونے والے اس تعزیتی اجتماع کوسوشل میڈیاکے ذریعے براہ راست نشر کیاگیا۔  

پروفیسرڈاکٹرحسن ظفرعارف شہیدکی دوسری برسی کے سلسلے میں امریکہ کی مختلف ریاستوں، کینیڈا، ساؤتھ افریقہ، جرمنی،فرانس، آسٹریلیا، پرتگال، سوئیڈن، بیلجئم اورخلیجی ریاستوںمیں بھی تعزیتی اجتماعات منعقدکئے گئے ۔ شہیدرہنما کے ایصال ثواب کے لئے قرآن خوانی وفاتحہ خوانی کی گئی اورشہیدوفاکوخراج عقیدت پیش کرنے کے لئے شمعیں روشن کی گئیں۔ ان اجتماعات میں ایم کیوایم کے مقامی رہنماؤں، ذمہ داروں، کارکنوںاورہمدردوں نے شرکت کی۔  ایم کیوایم کے کنوینرڈاکٹرندیم احسان، سینٹرل ایگزیکٹوکمیٹی کے ارکان شاہدرضا، آصف قاضی نے کینیڈاکے شہرٹورانٹومیں منعقد کئے جانے والے تعزیتی اجتماع میں شرکت کی اور ایم کیوایم کی جدوجہد اورمظلوم اقوام کے لئے شہیدوفاکی قربانیوںپرروشنی ڈالی اورانہیں سلام تحسین پیش کیا ۔

٭٭٭٭٭

CANANDA



AUSTRALIA


HUSTON USA



DC. USA



FLORIDA USA



LOS ANGLES USA









SOUTH AFRICA