ایم کیوایم کے قائد الطاف حسین کی والدہ محترمہ خورشید بیگم کی 33ویں برسی بدھ کوعقیدت واحترام کے ساتھ منائی گئی ۔ قرآن خوانی وفاتحہ خوانی کے اجتماعات کاانعقاد

لندن ۔۔۔ 6 دسمبر2018ء

ایم کیوایم کے بانی وقائدجناب الطاف حسین کی والدہ محترمہ خورشید بیگم کی 33ویں برسی بدھ کوعقیدت واحترام کے ساتھ منائی گئی ۔ اس سلسلے میں قرآن خوانی وفاتحہ خوانی کے اجتماعات منعقد کئے گئے ۔ ریاستی آپریشن کے باعث کراچی کے مختلف علاقوں اوردیگرشہروں میں بھی ایم کیوایم کے کارکنوں اورخواتین نے محترمہ خورشیدبیگم کی برسی پر گھروں میں قرآن خوانی کی اورمرحومہ کی روح کے ایصال ثواب کے لئے فاتحہ خوانی کی ۔ محترمہ خورشیدبیگم کی 33ویں برسی کے سلسلے میں گزشتہ روزایم کیوایم انٹرنیشنل سیکریٹریٹ میں بھی قرآن خوانی کی گئی اورمحترمہ خورشیدبیگم کوزبردست خراج عقیدت پیش کیاگیا۔ اختتام پر جناب الطاف حسین نے اپنی والدہ کے ساتھ ساتھ تحریک کے تمام شہداء کے ایصال ثواب کیلئے فاتحہ خوانی کرائی اورانہیں خراج عقیدت پیش کیا۔ علاوہ ازیں مختلف اوورسیزیونٹوں کے زیراہتمام بھی جناب الطاف حسین کی والدہ محترمہ مرحومہ خورشید بیگم کی 33 ویں برسی منائی گئی اورقرآن خوانی وفاتحہ خوانی کی گئی ۔ اس سلسلے میں ایم کیو ایم ساوتھ افریقہ کے زیراہتمام جوہانسبرگ، کیپ ٹاؤن، اور ڈربن چیپٹر میں مرحومہ خورشید بیگم کی 33 ویں برسی کے موقع پر مرحومہ کے ایصال ثواب کے سلسلے میں قرآن خوانی اور فاتحہ خوانی کے اجتماعات منعقد کیے گئے ۔ اس موقع پر تحریک کی سلامتی اسیروں شہیدوں اور لاپتہ ساتھیوں کے حق میں دعائیں کی گئی ۔ جبکہ قائد تحریک جناب الطاف حسین کی صحت و سلامتی کیلئے بھی خصوصی دعا کی گئی۔ دریں اثناء ایم کیوایم کینیڈاکے زیراہتمام بھی محترمہ خورشیدبیگم کی برسی کے موقع پرجنرل ورکرزاجلاس میں مرحومہ کی روح کے ایصال ثواب کے لئے فاتحہ خوانی کی گئی اورمرحومہ کوخراج عقید ت پیش کیاگیا۔ برسی کے موقع پر بعض خواتین کارکنوں نے اپنے آڈیوپیغامات کے ذریعے مرحومہ کوخراج عقیدت پیش کیااورجناب الطا ف حسین سے تعزیت کااظہار کیا۔

*****