نقیب اللہ محسودشہیدکے والدمحمدخان کے انتقال پر ایم کیوایم کے قائد الطاف حسین کااظہارافسوس

لندن  …  2  نومبر 2019ئ

متحدہ قومی موومنٹ کے قائدجناب الطاف حسین نے نقیب اللہ محسودشہیدکے والدمحمدخان کے انتقال پر دلی افسوس کااظہارکیاہے۔اپنے بیان میں جناب الطاف حسین نے کہاکہ آرمی چیف جنرل قمرباجوہ نے محمدخان مرحوم کویقین دلایاتھاکہ وہ نقیب اللہ محسود شہیدکے ماورائے عدالت قتل کی تحقیقات کرائیں گے اور انہیں انصاف فراہم کریںگے ۔ محمدخان مرحوم گزشتہ ایک سال سے اپنے جواں سال بیٹے نقیب اللہ محسودکے ماورائے عدالت قتل میںملوث راؤ انوار اور دیگر پولیس وسرکاری ایجنسیوں کے اہلکاروں کے خلاف کارروائی اورانصاف کے حصول کے منتظرتھے اوراسی انتظارمیں وہ دنیاسے چلے گئے لیکن انہیں انصاف نہ ملا۔ جناب الطاف حسین نے کہا کہ جس طرح جنرل قمرباجوہ نے نقیب اللہ محسودشہید کے قتل کی تحقیقات کااعلان کیاتھااسی طرح سابق آرمی چیف جنرل راحیل شریف نے بھی ایم کیوایم کے کارکن آفتاب احمدکی رینجرزکی حراست میں ماورائے عدالت قتل کی تحقیقات کااعلان کیاتھالیکن آج تین سال سے زائدعرصہ گزرجانے کے باوجودآفتاب احمدشہید کے اہل خانہ بھی انصاف نہ مل سکااورنقیب اللہ محسود شہید کے والد کی طرح آفتاب احمدشہید کی والدہ بھی انصاف کے حصول کاانتظارکرتے کرتے اس دنیائے فانی سے کوچ کرگئیں۔ جناب الطاف حسین نے کہاکہ جس ملک میںمظلوموںکوانصاف نہیںملتاوہاں اللہ کاعذاب نازل ہوتاہے ۔ جناب الطاف حسین نے دعاکی کہ اللہ تعالیٰ محمدخان مرحوم کی مغفرت فرمائے ، انہیں جنت الفردوس میں جگہ دے اوران کے تمام سوگوار لواحقین کوصبرجمیل عطافرمائے ۔ 

٭٭٭٭٭