پاکستان کوارٹرزسے مہاجروں کوبیدخل کرنے، مہاجروں کے سیاسی و معاشی قتل،ایم کیوایم کے خلاف ریاستی آپریشن اور قائدتحریک الطاف حسین کی تقاریر پر پابندی کے خلاف اتوار کوہائٹ ہاؤس کے سامنے احتجاجی مظاہرہ کیاجائے گا

لندن ۔۔۔ 9 نومبر 2018ء

پاکستان کوارٹرزسے ہزاروں مہاجروں کوغیرقانی طورپربیدخل کرنے کی حکومتی کوششوں، ایم کیوایم کے خلاف ریاستی آپریشن اورمہاجروں کے سیاسی، معاشی ،اقتصادی قتل اورایم کیوایم کے قائدجناب الطاف حسین کی تقاریروبیانات پر پابندی کے خلاف اتوار 11نومبرکوامریکہ کے دارالحکومت واشنگٹن میں وہائٹ ہاؤس کے سامنے احتجاجی مظاہرہ کیاجائے گا۔ ایم کیوایم امریکہ کے زیراہتمام ہونے والایہ احتجاجی مظاہرہ مقامی وقت کے مطابق دوپہر میں کیاجائے گا۔ مظاہرے کے سلسلے میں ایم کیوایم امریکہ کے مختلف چیپٹرزکی جانب سے بھرپورتیاریاں جاری ہیں۔دریں اثناء ایم کیوایم امریکہ کے سینٹرل آرگنائزر ریحان عبادت اورسینٹرل آرگنائزنگ کمیٹی نے اپنے بیان میں واشنگٹن اوردیگرچیپٹرزکے کارکنوں اورہمدردوں سے اپیل کی ہے کہ وہ اس زیادہ سے زیادہ تعدادمیں مظاہرے میں شرکت کریں اورریاستی مظالم پر دنیاکی توجہ مبذول کرائیں۔

*****