Home
 
Altaf Hussain
 
English News
 
Urdu News
Sindhi News
Photo Gallery
International Media Inquiries
+44 20 3371 1290
+1 909 273 6068
[email protected]
 
Events
Blogs
Fikri Nishist
Study Circle
Songs
Videos Gallery
Manifesto 2013
Philosophy
Poetry
Online Units
Media Corner
RAIDS/ARRESTS
About MQM
Social Media
Pakistan Maps
Education
Links
Poll
Web TV
Feedback
KKF
Contact Us
فاروق ستار اور عامرخان کی بہتان تراشیوں پر متحدہ قومی موومنٹ کاتبصرہ
Posted on: 12/1/2016
فاروق ستار اور عامرخان کی بہتان تراشیوں پر متحدہ قومی موومنٹ کاتبصرہ
مہاجرقوم کو دھوکہ دینے والے ضمیرفروش عناصر آج عوامی ردعمل سے شدید خوف زدہ ہیں، رابطہ کمیٹی
فاروق ستار،عامرخان اوران کے حواری ظرف وضمیرکا سودا کرکے اسٹیبلشمنٹ کے ہاتھوں میں کھیل رہے ہیں، رابطہ کمیٹی
راکین رابطہ کمیٹی کو پاکستان آنے کے مشورے دینے والے قوم کو جواب دیں کہ قائد تحریک الطاف حسین سے لاتعلقی سے قبل
کیاانہیں نہیں معلوم تھا کہ یہ اراکین لندن میں مقیم ہیں؟ رابطہ کمیٹی
آج ان اراکین رابطہ کمیٹی کی پاکستان میں عدم موجودگی پر اعتراض کیوں کیاجارہاہے ؟رابطہ کمیٹی
یہ اراکین آزمائش کی گھڑی میں قائد تحریک کے ساتھ ہیں جس کے باعث ان کی کردارکشی کی جارہی ہے، رابطہ کمیٹی
19، جون1992ء کوبھی فاروق ستارروپوشی سے گھبراکر سہل پسند راستہ اختیارکرنا چاہتے تھے، رابطہ کمیٹی
فاروق ستار نے قائد تحریک پرزور دیاتھاکہ آپ، چیئرمین عظیم طارق کے حق میں قیادت سے دستبردار ہوجائیں، رابطہ کمیٹی
عامرخان کوعوام وکارکنان کا خیال اس وقت کیوں نہیں آیا جب انہوں نے مہاجرقوم اورتحریک سے غداری کی تھی؟رابطہ کمیٹی
قائد تحریک کے کہنے پر عوام اور شہداء کے لواحقین نے عامر خان کومعاف کیا لیکن انہیں عزت راس نہ آئی، رابطہ کمیٹی
عناصر آج قائد تحریک الطاف حسین کے خلاف کھڑے ہوکر مہاجرقوم اور شہداء کے لہو سے غداری کررہے ہیں وہ
قدرت کے مکافات عمل سے ہرگز نہیں بچ سکیں گے، رابطہ کمیٹی
متحدہ قومی موومنٹ کی رابطہ کمیٹی نے ضمیرفروش فاروق ستار اور عامرخان کی بہتان تراشیوں پر تبصرہ کرتے ہوئے کہاہے کہ مہاجرقوم کو دھوکہ دینے والے ضمیرفروش عناصر آج عوامی ردعمل سے شدید خوف زدہ ہیں۔ ایک بیان میں رابطہ کمیٹی نے کہاکہ کارکنان کا نام لیکر عوام کی آنکھوں میں دھول جھونکنے والے دراصل اپنی بزدلی پر پردہ ڈالنے کی کوشش کررہے ہیں اورعوام کو بہکانے کی ناکام کوشش کررہے ہیں ۔ انہوں نے کہاکہ دنیا جانتی ہے کہ قائد تحریک جناب الطاف حسین اورمہاجرقوم کو دھوکہ دینے والے فاروق ستار،عامرخان اوران کے حواری ظرف وضمیرکا سودا کرکے اسٹیبلشمنٹ کے ہاتھوں میں کھیل رہے ہیں اور احسان فراموشی کا مظاہرہ کررہے ہیں ۔رابطہ کمیٹی نے کہاکہ لندن میں مقیم اراکین رابطہ کمیٹی کو پاکستان آنے کے مشورے دینے والے قوم کو جواب دیں کہ قائد تحریک الطاف حسین سے لاتعلقی سے قبل کیاانہیں نہیں معلوم تھا کہ یہ اراکین لندن میں مقیم ہیں اورآج ان اراکین رابطہ کمیٹی کی پاکستان میں عدم موجودگی پر اعتراض کیوں کیاجارہاہے ؟رابطہ کمیٹی نے کہاکہ لندن میں مقیم رابطہ کمیٹی کے اراکین کو پاکستان آکر سیاست کرنے کامشورہ دینے والے جانتے ہیں کہ یہ اراکین ماضی کی طرح آج بھی آزمائش کی گھڑی میں قائد تحریک جناب الطاف حسین کے ساتھ ہیں جس کے باعث اب ان اراکین کی کردارکشی کا عمل کیاجارہاہے ۔ رابطہ کمیٹی نے کہاکہ مہاجرقوم کا بچہ بچہ اس حقیقت سے واقف ہے کہ 19، جون1992ء کے ایم کیوایم کرش آپریشن کے دوران یہ ڈاکٹر فاروق ستار ہی تھے جوروپوشی کی سخت زندگی سے گھبراگئے تھے اور کارکنان کی مشکلات کو جواز بناکراپنے لئے سہل پسند راستہ اختیارکرنا چاہتے تھے یہی وجہ ہے کہ وہ ہروقت اسٹیبلشمنٹ کی ترجمانی کیاکرتے تھے۔فاروق ستارشائد بھول گئے لیکن عوام کو کارکنان کو آج بھی یاد ہے کہ اس وقت فاروق ستار ،بریگیڈئیرامان کا فرمان لیکر آتے تھے اور قائد تحریک جناب الطاف حسین پرزور دیاکرتے تھے کہ آپ، چیئرمین عظیم احمد طارق کے حق میں قیادت سے
دستبردار ہوجائیں اس طرح تمام کارکنان کو معافی مل جائے گی اور تمام گرفتارکارکنان رہا کردیئے جائیں گے ۔ رابطہ کمیٹی نے کہاکہ قائد تحریک جناب الطاف حسین نے قیادت کو اپنی انا کامسئلہ نہیں بنایا اور قربانی دیدی لیکن اسٹیبلشمنٹ کی جانب سے نہ تو غریب کارکنان کو معافی ملی اور نہ ہی گرفتارشدگان کو رہائی نصیب ہوئی بلکہ مہاجروں کے خلاف آپریشن کی شدت میں مزید اضافہ ہوگیا۔ رابطہ کمیٹی نے کہاکہ آج عامر خان جیسے ضمیرفروش ،عوام اورکارکنان کی بات کررہے ہیں اور یہ بہتان تراشی کررہے ہیں کہ لندن میں موجود رابطہ کمیٹی کے اراکین عوام اور کارکنان کو بہکارہے ہیں ۔ حقیقت یہ ہے کہ مہاجرقوم اور کارکنان کو دھوکہ دینے والوں کو آج عوامی ردعمل کا سامنا کرنا پڑرہا ہے اور وہ جہاں جاتے ہیں عوام کی جانب سے ان پرلعنت ملامت کی جاتی ہے جس کی وجہ سے یہ اب اوچھے ہتھکنڈوں پر اتر آئے ہیں ۔ رابطہ کمیٹی نے کہاکہ آج عامر خان ، کارکنان اورعوام کی دہائیاں دے رہے ہیں ، عامرخان کویہ خیال اس وقت کیوں نہیں آیا جب انہوں نے مہاجرقوم کی پیٹھ میں چھرا گھونپ کرتحریک سے غداری کی تھی؟مہاجرعوام اچھی طرح جانتے ہیں کہ 19، جون1992ء کو فوجی ٹرکوں پر بیٹھ کر آنے والے عامرخان نے کس طرح مہاجرآبادیوں پر چڑھائی کی ۔ مہاجرنوجوانوں کے قتل اور تحریک سے غداری کے ارتکاب کے باوجود قائد تحریک جناب الطاف حسین کے کہنے پر عوام اور شہداء کے لواحقین نے عامر خان کومعاف کیااور ایم کیوایم میں دوبارہ شامل کیا لیکن عامرخان کوعزت راس نہ آئی اور انہوں نے ایک مرتبہ پھر قائد تحریک جناب الطاف حسین سے غداری کا عمل کرکے ثابت کردیا کہ وہ ماضی کی طرح ایک مرتبہ پھر اپنے ظرف وضمیر کا سوداکرچکا ہے ۔ رابطہ کمیٹی نے کہاکہ جوعناصر آج قائد تحریک جناب الطاف حسین کے خلاف کھڑے ہوکر مہاجرقوم اور شہداء کے لہو سے غداری کررہے ہیں وہ قدرت کے مکافات عمل سے ہرگز نہیں بچ سکیں گے اور ذلت ورسوائی ان کا مقدرثابت ہوگی ۔
*****
4/26/2024 9:09:42 PM
فلسطین اوراسرائیل کے تنازعہ کے بارے میں ایم کیوایم کے بانی وقائد جناب
...
25 Apr 2024
ہم آخری سانس اور آخری دم تک قانونی جنگ لڑتے رہیںگے۔ الطاف حسین
...
25 Apr 2024
ایم کیوایم کی پراپرٹیز کیس کے فیصلے کے خلاف قائدجناب الطاف حسین کی اپ
...
24 Apr 2024
پراپرٹیز کیس میں فیصلے کے خلا ف ایم کیوایم کی اپیل کی سماعت کاپہلاد
...
22 Apr 2024
ضمنی انتخابات میں PTI کودھاندلی سے ہرایاگیا۔الطاف حسین پولنگ شروع ہو
...
22 Apr 2024
پراپرٹیز کیس میں فیصلے کے خلا ف ایم کیوایم کی اپیل کی سماعت کل بروز
...
22 Apr 2024
لندن میں موجود پراپرٹیز کیس میں بانی وقائدالطاف حسین کی ایم کیوایم کی
...
21 Apr 2024
کویت ائیرپورٹ پرپاکستانی پاسپورٹ اور پاکستانی شہریوں کی تذلیل کا نوٹس
...
18 Apr 2024
بیرونی طاقتوں کی کوشش ہے کہ پاکستان کے ٹکڑے ہوجائیں۔الطاف حسین
...
14 Apr 2024
ایم کیوایم کے کارکن اوروفا فاؤنڈیشن کے رکن احمرمزمل کے بہنوئی محمدعام
...
12 Apr 2024
Muttahida Quami Movement (MQM) Copyright © 2014 (ver 3.0)
Home
Videos Gallery
Links
KKF
Feedback
Altaf Hussain
Photo Gallery
Study Circle
Online Units
Media Corner
News Archive
Manifesto 2013
Fikri Nishist
Songs
Social Media
Urdu News
Philosophy
Poetry
Education
Web TV
Events
RAIDS/ARRESTS
Poll
Pakistan Maps
Contact us