میں اپنےحقوق کےلئے جدوجہدکرنے والے کشمیری عوام پرپیراملٹری رینجرز اور FC کی وحشیانہ فائرنگ کی شدید مذمت کرتا ہوں

Posted on: 10/2/2025

میں اپنےحقوق کےلئے جدوجہدکرنے والے کشمیری عوام پرپیراملٹری رینجرز اور FC کی وحشیانہ فائرنگ کی شدید مذمت کرتا ہوں #RightsMovementAJK #LongLiveResistance میں مطالبہ کرتاہوں کہ کشمیریوں کی آواز کوطاقت سے دبانے کا عمل بند کیا جائے،ان کے ساتھ بیٹھ کربات کی جائے اورامن کے دائرے میں رہتے ہوئے ان کےجائز مطالبات کو تسلیم کیاجائے۔ گزشتہ چندروز سے پاکستان کے زیرانتظام کشمیر کی صورتحال انتہائی خراب ہے، کشمیری عوام اپنے جائزمطالبات کے حق میں سڑکوں پر احتجاج کررہے ہیں، پورے آزاد کشمیر میں مکمل ہڑتال ہے، وہاں کئی دنوں سے پہیہ جام ہے لیکن افسوس کہ کشمیری عوام کے جائزمطالبات پر توجہ دینے کے بجائے ان کے احتجاج کوطاقت سے دبانے کی کوشش کی جارہی ہے۔ ایف سی ، پیراملٹری رینجرز ان پر گولیاں چلارہی ہے، اب تک کی اطلاعات کے مطابق ایف سی، پیراملٹری رینجرز کی فائرنگ سے متعدد کشمیری جاں بحق اور سو سے زائد شدید زخمی ہوچکے ہیں۔ متعدد مظاہرین کوگرفتارکیاجاچکا ہے۔ یہ بڑی افسوسناک صورتحال ہے۔ کل تک ہم کہتے تھےکہ بھارتی فوج مقبوضہ کشمیر میں مظالم ڈھارہی ہے لیکن آج پاکستان کے زیرانتظام کشمیر میں پیراملٹری رینجرزاور قانون نافذ کرنےوالے ادارے اپنے ہی کشمیری عوام پر گولیاں چلارہے ہیں جبکہ ان کشمیری عوام کاجرم صرف یہ ہے کہ وہ اپنے جائزحقوق کامطالبہ کررہے ہیں۔ آخر اپنے حقوق کامطالبہ کرنے والے کشمیری عوام کےخلاف طاقت کا بیدریغ استعمال کیوں کیا جارہا ہے؟ ان پر گولیاں کیوں چلائی جارہی ہیں؟میں کشمیری عوام پررینجرز اورایف سی کی فائرنگ کی شدید الفاظ میں مذمت کرتا ہوں اورمطالبہ کرتاہوں کہ کشمیری مظاہرین پرگولیاں چلانے کاسلسلہ بند کیا جائے اور گرفتار کئے جانےوالے کشمیریوں کو فی الفور رہاکیاجائے۔ میں حکومت اورقانون نافذکرنے والوں کو متنبہ کرتا ہوں کہ اگراپنےجائز حقوق کا مطالبہ کرنے والے کشمیریوں پر گولیاں چلانے اوران کی آواز کو دبانے کیلئے طاقت کے استعمال کاسلسلہ ختم نہیں کیاگیا اور یہی صورتحال رہی تو آزادکشمیر پاکستان کا حصہ نہیں بنے گا بلکہ آزاد ملک بنے گالہٰذا خدارا حالات کی سنگینی کااحساس کیا جائے، مظلوم کشمیری عوام پر ظلم بند کیا جائے اورانہیں اُن کے حقوق دیئے جائیں۔ میں قانون نافذ کرنے والے اداروں کی فائرنگ سے شہید ہونے والے کشمیریوں کے سوگوار لواحقین سے دلی تعزیت کا اظہار کرتاہوں اور زخمیوں کی جلدومکمل صحت یابی کیلئے دعا گو ہوں۔ الطاف حسین ٹک ٹاک پر 323 ویں فکری نشست سے خطاب یکم ، اکتوبر2025

@Sardar____

10/28/2025 6:46:33 PM

پاکستان میں 27 ویں آئینی ترمیم لانے کی کوششیں کی جارہی ہیں تاکہ ملک ک... 27 Oct 2025	میں صحافی ارشد شریف شہید کی والدہ محترمہ رفعت آرا علوی کے انتقال پر د... 27 Oct 2025
26 ویں آئینی ترمیم کوکالعدم قراردیا جائے، غیرآئینی ترامیم کے تحت تشکی... 26 Oct 2025	میں پاکستان کوحقیقی معنوں میں آزاد اورخودمختار بناناچاہتا ہوں ... 25 Oct 2025
صوبہ خیبرپختونخوا کے وزیراعلیٰ سہیل آفریدی اور ان کے وکلاء کو اسلام آ... 25 Oct 2025	متحدہ قومی موومنٹ کی رابطہ کمیٹی ایم کیوایم کی کوآرڈی نیشن کمیٹی کے لا... 20 Oct 2025
سسٹم کیا ہے ؟ کیسے چلتاہے؟ کون چلاتاہے ؟ سسٹم میں کون کون سے عناصر شام... 20 Oct 2025	1953ء میں پاکستان کی سرحدیں ہندوستان کے مسلمانوں پر بند کرکے دوقومی نظ... 19 Oct 2025
پاکستان کی عسکری اور سیاسی قیادت نے 20 نکاتی منصوبہ تسلیم کرلیا جس می... 19 Oct 2025	فکری نشست : سیاسی جماعت اورتحریک کافرق ... 18 Oct 2025