رشید بھیا میرے بہت پرانے اوربرے وقت کے ساتھی تھے ، تحریک کے لئے ان کی قربانیاں ناقابل فراموش ہیں۔ الطاف حسین

لندن…9  فروری 2024ئ

ایم کیوایم کے بانی وقائدجناب الطاف حسین نے ایم کیوایم کے دیرینہ کارکن اورحیدرآبادکے سابق ڈپٹی میئر رشید احمدبھیاکے انتقال پر ان کے صاحبزادے کاشف سے فون پر تعزیت کی ۔جناب الطاف حسین نے کاشف سے گفتگوکرتے ہوئے کہاکہ اپنے دیرینہ تحریکی ساتھی رشید احمدبھیاکے انتقال پر مجھے ذاتی طور پربہت دکھ پہنچاہے۔

 رشید بھیا میرے بہت پرانے اوربرے وقت کے ساتھی تھے ، تحریک کے لئے ان کی بہت قربانیاں ہیں جوناقابل فراموش ہیں۔جناب الطاف حسین نے پرانی یادوںکاذکرکرتے ہوئے کہاکہ میں 80ء کی دہائی میںجب بھی حیدرآبادجاتاتورشیدبھیاکے ساتھ شہر کے علاقوں کے دورے کرتا،وہ ہرجلسے، جلوس اورکارکنوںکی فکری نشستوں میں میرے ساتھ ہوتے ۔ انہوں نے ہرکڑے اوربرے وقت میں ساتھ نبھایا۔قید وبند اور مقدمات کاسامناکیا،وہ تحریک کی خاطر کافی عرصہ روپوش بھی رہے لیکن آخروقت تک اپنی وفاپرقائم رہے۔

اس موقع پر رشیدبھیاکے صاحبزادے کاشف نے جناب الطاف حسین سے گفتگوکرتے ہوئے والدصاحب اکثر آپ کاذکرکرتے اور ہرحالت میں پارٹی کیلئے کام کرتے۔ کچھ عرصہ سے ان کی طبیعت ٹھیک نہیں تھی ، وہ گردے کے عارضے میں مبتلاتھے لیکن اس حالت میں بھی تحریک کیلئے رات دن کام کرتے رہے، انہوں نے وفاپرست امیدواروں کے ناموں کے اعلان کے بعد دیگرامیدواروں کے ساتھ حیدرآباد میںیادگارِشہداپرجاکرفاتحہ خوانی بھی کی اورشہرمیں نکالی جانے والی ریلی میں بھی شرکت کی ۔کل طبیعت زیادہ خراب ہونے پر انہیں اسپتال میں داخل کیاگیاتھا لیکن وہ اس حالت میں بھی الیکشن میں وفاپرست امیدواروں کی کامیابی کے لئے فکرمند تھے۔ جناب الطاف حسین نے کہاکہ رشیدبھیا ایک سچے وفاپرست تھے، ان کی جان تحریکی جدوجہد میں کام کرتے کرتے گئی۔میری دعا ہے کہ اللہ تعالیٰ انہیں شہادت کا درجہ عطافرمائے۔میں اورتحریک کے تمام ساتھی رشیدبھیا کے انتقال پر بہت دکھی ہیں اوران کی مغفرت اوربلند درجات کیلئے دعا گو ہیں ۔ انہوں نے دعاکی کہ اللہ تعالیٰ سرکاردوعالم ۖ کے صدقے رشیدبھیاکو جنت الفردوس میں جگہ عطافرمائے