Altaf Hussain  English News  Urdu News  Sindhi News  Photo Gallery
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

لندن میں ایم کیوایم کے زیراہتمام محترمہ صفیہ اکبر کی پہلی برسی کے سلسلے میں تعزیتی اجلاس کاانعقاد


لندن میں ایم کیوایم کے زیراہتمام محترمہ صفیہ اکبر کی پہلی برسی کے سلسلے میں تعزیتی اجلاس کاانعقاد
 Posted on: 5/30/2021
لندن میں ایم کیوایم کے زیراہتمام محترمہ صفیہ اکبر کی پہلی برسی کے سلسلے میں تعزیتی اجلاس کاانعقاد
 محترمہ صفیہ اکبر کی تحریکی جدوجہد، تنظیمی خدمات اور شخصیت کے مختلف پہلوؤں پرروشنی ڈالی گئی اور مرحومہ کو شاندار الفاظ میں خراج عقیدت پیش کیاگیا
محترمہ صفیہ اکبر کی تنظیمی خدمات اور جدوجہد پر مشتمل ایک دستاویزی فلم بھی پیش کی گئی
 محترمہ صفیہ اکبر، قائد تحریک الطاف حسین کی سچی ، مخلص اور وفادار کارکن تھیں، 
طارق جاویدکنوینر رابطہ کمیٹی
میری والدہ ، الطاف بھائی کیلئے اپنا گھر اور اولاد تک کوچھوڑنے کیلئے تیارتھیں، سلیم اکبر
یہ فخرکی بات ہے کہ الطاف بھائی نے سب کو پیار کے رشتے سے باندھ رکھا ہے، محترمہ لینا
 صفیہ آپا ایک محبت کرنے والی خاتون تھیں،محترمہ یاسمین نوین
لندن۔۔۔30، مئی 2021ئ
متحدہ قومی موومنٹ کے زیراہتمام تحریک کی سینئر رکن اور شعبہ خواتین انٹرنیشنل سیکریٹریٹ کی انچارج محترمہ صفیہ اکبر کی پہلی برسی عقیدت واحترام سے منائی گئی ۔ مرحومہ کی پہلی برسی کے سلسلے میں لندن کے علاقے ایجوئیرمیں واقع ایم کیوایم انٹرنیشنل سیکریٹریٹ میں تعزیتی اجلاس منعقد ہوا جس میں محترمہ صفیہ اکبر کی تحریکی جدوجہد، تنظیمی خدمات اور شخصیت کے مختلف پہلوؤں 
پرروشنی ڈالی گئی اور مرحومہ کو شاندار الفاظ میں خراج عقیدت پیش کیاگیا۔ تعزیتی اجلاس میں رابطہ کمیٹی کے ارکان،رابطہ کمیٹی کے معاونین، سینٹرل ایگزیکٹو کمیٹی کے رکن، ایم کیوایم برطانیہ کی آرگنائزنگ کمیٹی ، شعبہ خواتین کی ارکان، لندن کے مختلف یونٹوں کے ذمہ داران کے علاوہ مرحومہ کے صاحبزادے سلیم اکبر،صاحبزادیوں محترمہ لینا اور محترمہ انیلہ نے بھی شرکت کی۔ تعزیتی اجلاس کی نظامت کے فرائض ایم کیوایم رابطہ کمیٹی کے معاون معین احمد خان نے ادا کیے جبکہ ایم کیوایم ویسٹ لندن کے کارکن حافظ محمد راشد نے تلاوت کلام پاک سے تعزیتی اجلاس کاآغاز کیا۔کروناوائرس کی وباء سے بچاؤ کیلئے ایس او پیز کو مدنظر رکھتے ہوئے تعزیتی اجلاس میں شرکاء کی تعداد کو محدود رکھاگیاتھا۔ 
تعزیتی اجلاس سے گفتگو کرتے ہوئے رابطہ کمیٹی کے کنوینر طارق جاوید نے کہاکہ محترمہ صفیہ اکبر، قائد تحریک جناب الطاف حسین کی سچی ، مخلص اور وفادار کارکن تھیں اور قائد تحریک جناب الطاف حسین بھی محترمہ صفیہ اکبر کا بہت احترام کرتے تھے۔ انہوںنے کہاکہ محترمہ صفیہ اکبر ایک تحریکی ساتھی ہی نہیں بلکہ ایک ماں اورایک بہن کی طرح ہر تحریکی ساتھی کا خیال رکھا کرتی تھیں اور ہر ایک سے پیار ومحبت سے پیش آیاکرتی تھیں۔ انہوں نے کہاکہ محترمہ صفیہ اکبر کے انتقال کو ایک سال کا عرصہ بیت گیا ہے لیکن آج تک یقین نہیں آتا کہ صفیہ آپا اس دنیا سے رخصت ہوگئی ہیں۔ طارق جاوید نے دعا کی کہ اللہ تعالیٰ ، محترمہ صفیہ اکبر کے درجات بلند فرمائے اور انہیں جنت الفردوس میں اعلیٰ مقام عطا کرے۔ 
قبل ازیں تعزیتی اجلاس سے گفتگو کرتے ہوئے محترمہ صفیہ اکبرکے چھوٹے صاحبزادے سلیم اکبرنے کہاکہ یہ ہم تمام خاندان کے افراد کیلئے فخرکی بات  ہے کہ میری والدہ کو خراج عقیدت 
پیش کرنے کیلئے آج تعزیتی اجلاس منعقد کیاگیا ہے ۔ انہوںنے کہاکہ قائد تحریک جناب الطاف حسین سے میری والدہ محترمہ بے انتہاء پیارکیاکرتی تھیں، اپنی علالت کے باوجود انہیں ایم کیوایم سیکریٹریٹ آنے کی فکر رہتی تھی ۔ انہوںنے کہاکہ الطاف حسین بھائی سے میری والدہ کی محبت کا یہ عالم تھا کہ وہ الطاف بھائی کیلئے اپنا گھر اوراپنی اولاد تک کوچھوڑنے کیلئے تیارتھیں۔ میری والدہ میں الطاف بھائی کیلئے سب کچھ قربان کرنے کا جذبہ موجود تھا۔ سلیم اکبر نے کہاکہ قائد تحریک جناب الطاف حسین نے تحریکی ساتھیوں کو ایک خاندان بنادیا ہے اور ہم سب ایک دوسرے کے دکھ درد اورخوشیوںمیں شریک ہوتے ہیں ، جس پر ہم الطاف حسین بھائی کے شکرگزار ہیں اور ان کی صحت وسلامتی کیلئے دعا گو ہیں۔ 
محترمہ صفیہ اکبر کی صاحبزادی محترمہ لینا نے گفتگو کرتے ہوئے کہاکہ ہم برطانیہ میں پیدا ہوئے لیکن ہماری والدہ نے خالص مشرقی ماحول میں ہماری پرورش کی اورہمیں دین ودنیا کی تعلیم دلوائی۔ انہوںنے کہاکہ میری والدہ سے الطاف حسین بھائی اورتحریکی ساتھیوں کی محبت سے ہمارا پورا خاندان واقف ہے، آج بھی میں دیکھ رہی ہوں کہ والدہ محترمہ کو یاد کرکے نہ صرف ہم بہن بھائی کی آنکھیں اشکبار ہیں بلکہ یہاں موجود تحریکی ساتھی بھی رو رہے ہیں ، یہ اکبرخاندان کیلئے واقعی بڑے فخرکی بات ہے کہ الطاف بھائی سے عقیدت ومحبت نے ہم سب کو پیار کے رشتے سے باندھ رکھا ہے ۔ انہوںنے کہاکہ میری تحریکی ساتھیوں سے درخواست ہے کہ وہ امی کویاد کرکے مسکرائیں اور انکے بلند درجات کیلئے دعائیں کریں۔ محترمہ لینا نے تعزیتی اجلاس کے انعقاد پر قائد تحریک جناب الطاف حسین اور ان کے ساتھیوں کا شکریہ بھی ادا کیا۔ تعزیتی اجلاس سے گفتگو کرتے ہوئے شعبہ خواتین کی رکن محترمہ یاسمین نوین نے کہاکہ صفیہ آپا ایک محبت کرنے والی خاتون تھیں اور ان کی محبتیں ہمارے دلوںمیں ہمیشہ زندہ رہیں گی ۔
تعزیتی اجلاس کے آخرمیں محترمہ صفیہ اکبر کی تنظیمی خدمات اور جدوجہد پر مشتمل ایک دستاویزی فلم بھی پیش کی گئی اورمرحومہ کو شاندارالفاظ میں خراج عقید ت پیش کیاگیا۔
٭٭٭٭٭










9/21/2021 3:38:06 AM