حیدرآباد کے سیکٹرانچارج سیدامان علی اورکارکن محمد عنایت کی غیرقانونی گرفتاری قابل مذمت ہے ، رابطہ کمیٹی

Posted on: 7/3/2017 1

حیدرآباد کے سیکٹرانچارج سیدامان علی اورکارکن محمد عنایت کی غیرقانونی گرفتاری قابل مذمت ہے ، رابطہ کمیٹی
بے گناہ کارکنان کی بلاجواز وغیرقانونی گرفتاریوں اورانہیں لاپتہ کرنے کا فوری نوٹس لیاجائے، رابطہ کمیٹی
سیدامان علی ، کارکن عنایت اوریوسی چیئرمین محمد اشفاق کے ہمراہ اپنی ضمانت کے سلسلے میں ہائی کورٹ گئے تھے
حیدرآبادپریس کلب کے قریب سے سادہ لباس اہلکاروں نے سیدامان علی اورمحمد عنایت کو گرفتارکرکے لاپتہ کردیا
مہاجردشمنی میں نہ صرف آئین اورقانون کو روندا جارہا ہے بلکہ انسانی حقوق کی سنگین پامالی بھی کی جارہی ہے، رابطہ کمیٹی
انسانی حقوق کی تنظیمیں ، مہاجروں کے انسانی حقوق کی پامالی کے خلاف صدائے احتجاج بلندکریں، رابطہ کمیٹی

متحدہ قومی موومنٹ (پاکستان) کی رابطہ کمیٹی نے ایم کیوایم حیدرآباد کے سیکٹرانچارج سیدامان علی اورکارکن محمد عنایت کی غیرقانونی گرفتاری اورانہیں لاپتہ کرنے کی سخت ترین الفاظ میں مذمت کی ہے ۔ ایک بیان میں رابطہ کمیٹی نے کہاکہ آ ج بروز پیرکی صبح ایم کیوایم حیدرآبادزون سیکٹرD کے انچارج سیدامان علی ، کارکن عنایت اوریوسی چیئرمین محمد اشفاق کے ہمراہ اپنی ضمانت کے سلسلے میں ہائی کورٹ گئے تھے ۔بعدازاں حیدرآبادپریس کلب کے قریب سے سادہ لباس اہلکاروں نے سیدامان علی اورمحمد عنایت کو گرفتارکرکے لاپتہ کردیا۔ رابطہ کمیٹی نے کہاکہ مہاجردشمنی میں نہ صرف آئین اورقانون کو روندا جارہا ہے بلکہ انسانی حقوق کی سنگین پامالی بھی کی جارہی ہے جس کی جتنی بھی مذمت کی جائے کم ہے ۔ اس سے قبل ایم کیوایم حیدرآبادکے کارکنان معید گدی اور محسن قریشی کو ویگو گاڑی میں سوار رینجرز کے اہلکاروں نے عدالت کے احاطے سے اس وقت گرفتارکیاجب وہ عدالت کے احکامات پررہا کئے گئے تھے ۔ اسی طرح ایم کیوایم شعبہ خواتین کی رکن محترم شازیہ اشفاق کے دوصاحبزادوں راؤ سعد اورراؤ عمر کو بھی گرفتارکرکے لاپتہ کردیا گیا ہے۔ رابطہ کمیٹی نے صدرپاکستان ممنون حسین ، وزیراعظم میاں نوازشریف ، وفاقی وزیرداخلہ چوہدری نثارعلی اوروزیراعلیٰ سندھ سید مراد علی شاہ سے مطالبہ کیا ایم کیوایم کے بے گناہ کارکنان کی بلاجواز وغیرقانونی گرفتاریوں اورانہیں لاپتہ کرنے کا فوری نوٹس لیاجائے اور تمام گرفتارشدگان کو جلد ازجلد رہا کرایا جائے ۔ رابطہ کمیٹی نے انسانی حقوق کی تنظیموں سے بھی اپیل کی کہ وہ ایم کیوایم کے کارکنان کی غیرقانونی گرفتاریوں اور انہیں لاپتہ کرنے کے واقعات کے خلاف صدائے احتجاج بلند کریں ۔

*****

1/30/2023 8:42:11 PM

پاکستان کی معیشت ٹائی ٹینک کی طرح مسلسل ڈوب رہی ہے ،الطاف حسین ... 20 Jan 2023	ایم کیوایم کے رکن سندھ اسمبلی سیدمنظرامام شہید نے تحریک کیلئے جوقربان... 17 Jan 2023
بلدیاتی انتخابات کابھرپور بائیکاٹ کرنے پر کراچی ، حیدرآباد اورٹنڈوالہ ... 15 Jan 2023	بلدیاتی انتخابات کابھرپور بائیکاٹ کرنے پر کراچی ، حیدرآباد اورٹنڈوالہ... 15 Jan 2023
ایم کیوایم کے سابق ڈپٹی کنوینر شہیدوفاپروفیسر ڈاکٹرحسن ظفر عارف شہید ... 13 Jan 2023	کراچی اورحیدرآباد کے عوام 15جنوری کو بلدیاتی انتخابات کامکمل بائیکاٹ... 11 Jan 2023
ممتازفنکاراورپی ٹی وی کے مشہور مزاحیہ پروگرام '' ففٹی ففٹی '' کے مرکز... 11 Jan 2023	کراچی،حیدرآباد،سکھر، اور مختلف شہروں میں ایم کیوایم کے بانی الطاف حسی... 03 Jan 2023
رینجرز کی جانب سے الیاس گوٹھ لانڈھی سے گرفتارکئے جانے والے افراد شکیل،... 02 Jan 2023	سید علی رضا عابدی شہیدکے لواحقین کو انصاف فراہم کیاجائے قائد تحریک ال... 24 Dec 2022