Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پروفیسر ڈاکٹر حسن ظفرعارف ، کنورخالدیونس، مومن خان مومن اور امجداللہ خان کوفی الفور رہاکیاجائے، ندیم نصرت


پروفیسر ڈاکٹر حسن ظفرعارف ، کنورخالدیونس، مومن خان مومن اور امجداللہ خان کوفی الفور رہاکیاجائے، ندیم نصرت
 Posted on: 11/2/2016
پروفیسر ڈاکٹر حسن ظفرعارف ، کنورخالدیونس، مومن خان مومن اور امجداللہ خان کوفی الفور رہاکیاجائے، ندیم نصرت
پاکستان کی بزرگ اور معززشخصیات کو محض قائد تحریک الطاف حسین کا ساتھ دینے کی پاداش میں پابند سلاسل کیاگیا ہے، ندیم نصرت
بزرگ وعلیل شخصیات کو پابند سلاسل کرکے ان کی زندگیوں کو خطرے میں ڈالاجارہا ہے، ندیم نصرت
متحدہ قومی موومنٹ کو سیاسی سرگرمیوں کی مکمل آزادی دی جائے ، ندیم نصرت

متحدہ قومی موومنٹ کے کنوینرندیم نصرت نے مطالبہ کیا ہے کہ ایم کیوایم کی عبوری رابطہ کمیٹی کے ارکان کو فی الفور رہا کیاجائے اور انہیں سیاسی سرگرمیوں کی مکمل آزادی دی جائے ۔ایک بیان میں ندیم نصرت نے کہاکہ ایم کیوایم کی عبوری رابطہ کمیٹی کے ارکان 75 سالہ بزرگ پروفیسر ڈاکٹر حسن ظفرعارف ، سینئر سیاستداں کنورخالدیونس، مومن خان مومن اور امجداللہ خان کراچی اور حیدرآباد کی معززشخصیات ہیں اور کسی بھی مقدمے میں ملوث نہیں ہیں، اس کے باوجود انہیں 22 ستمبرکو کراچی پریس کلب کے باہر سے بلاجواز گرفتارکرکے جیلوں میں ٹھونس دیاگیاہے ۔ انہوں نے کہاکہ پاکستان کی بزرگ اور معززشخصیات کو محض قائد تحریک جناب الطاف حسین کا ساتھ دینے کی پاداش میں گرفتارکرکے پابند سلاسل کیاگیا ہے تاکہ ایم کیوایم کی سیاسی سرگرمیوں پر قدغن لگائی جاسکے اور مہاجروں کو ان کے بنیادی انسانی حق سے محروم رکھاجاسکے ۔ ندیم نصرت نے کہاکہ ایم کیوایم کی عبوری رابطہ کمیٹی کے ارکان نہ صرف بزرگ ہیں بلکہ علالت کے باعث باقاعدگی سے ادویات کا بھی استعمال کرتے ہیں اور ان بزرگ وعلیل شخصیات کو پابند سلاسل کرکے نہ صرف ان کی زندگیوں کو خطرے میں ڈالاجارہا ہے بلکہ مہاجروں سے تعصب اور نفرت کا بھی مظاہرہ کیاجارہا ہے جس کی جتنی بھی مذمت کی جائے کم ہے ۔ندیم نصرت نے وزیراعظم میاں نوازشریف ، وفاقی وزیرداخلہ چوہدری نثارعلی خان اور وزیراعلیٰ سندھ مراد علی شاہ سے مطالبہ کیا کہ پروفیسر ڈاکٹر حسن ظفرعارف ، سینئر سیاستداں کنورخالدیونس، مومن خان مومن اور امجداللہ خان بلاجواز وغیرقانونی گرفتاریوں کا نوٹس لیاجائے اور انہیں فی الفور رہاکرکے ایم کیوایم کو سیاسی سرگرمیوں کی مکمل آزادی دی جائے ۔
*****
7/18/2025 4:04:13 PM