Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

فاروق ستارکو باربار غداری کا اعادہ کرنے کے جرم میں پارٹی کی بنیادی رکنیت سے خارج کرنے کا اعلان


فاروق ستارکو باربار غداری کا اعادہ کرنے کے جرم میں پارٹی کی بنیادی رکنیت سے خارج کرنے کا اعلان
 Posted on: 10/2/2016
متحدہ قومی موومنٹ کے منتخب کنوینر ندیم نصرت کے سوا کوئی اورنہیں ہے، سینئر اراکین ایم کیوایم 
اس قسم کے حساس نوعیت کے فیصلوں کا استحقاق رابطہ کمیٹی اور کارکنان وعوام ، بانی تحریک الطاف حسین کو باربار دے چکے ہیں
فاروق ستارکو باربار غداری کا اعادہ کرنے کے جرم میں پارٹی کی بنیادی رکنیت سے خارج کرنے کا اعلان
فاروق ستارکو ، ایم کیوایم کی رابطہ کمیٹی نے قائد تحریک الطاف حسین کی توثیق کے بعد پارلیمانی لیڈر بنایاتھا
فاروق ستار،تنظیمی ودیگر امور پر بحیثیت پارلیمانی لیڈرکسی بھی فیصلے کو عوام پر تھوپنے کا کوئی اختیار نہیں رکھتے
کارکنان وعوام ، کنوینر ندیم نصرت کے ہراس بیان پر من وعن یقین کریں جس کی توثیق قائد تحریک الطاف حسین کرچکے ہوں
فاروق ستار اب ایم کیوایم کی جانب سے متعین کردہ پارلیمانی لیڈر نہیں رہے لہٰذا تمام ارکان سینیٹ ، قومی وصوبائی اسمبلی
پارٹی پالیسی کے خلاف اقدامات پر احتجاجاً استعفیٰ دینے میں آزاد ہیں
شہیدوں کی قربانیوں کا پاس رکھنے والے ارکان سینیٹ ، قومی اورصوبائی اسمبلی، منتخب ایوانوں کی رکنیت سے فی الفور استعفیٰ دیدیں
جو منتخب ارکان کنوینر کے حکم پر استعفیٰ نہیں دیں گے عوامی سطح پر ان کا سوشل بائیکاٹ کیاجائے گا
کارکنان وعوام اپنی صفوں میں اتحاد برقراررکھیں اور مہاجروں کے خلاف کی جانے والی سازشوں کو اپنے اتحاد کے ذریعہ ناکام بنادیں
متحدہ قومی موومنٹ کے انتہائی سینئراراکین مصطفی عزیزآبادی ، قاسم علی رضا، واسع جلیل اور محمد اشفاق کا مشترکہ بیان

متحدہ قومی موومنٹ کے انتہائی سینئراراکین مصطفی عزیزآبادی ، قاسم علی رضا، واسع جلیل اور محمد اشفاق نے کہاہے کہ متحدہ قومی موومنٹ کے منتخب کنوینر ندیم نصرت کے سوا کوئی اورنہیں ہے اور فاروق ستارکو ایم کیوایم کی بنیادی رکنیت سے خارج کردیا گیا ہے ۔ 
اپنے مشترکہ بیان میں انہوں نے کہاکہ متحدہ قومی موومنٹ کے کارکنان کے منتخب کردہ کنوینر ندیم نصرت ہیں کوئی اور نہیں ہے ،ایم کیوایم کے دستور کے مطابق بانی تحریک جناب الطاف حسین کی زندگی میں اس قسم کے حساس نوعیت کے فیصلوں کا استحقاق اور اختیار پوری رابطہ کمیٹی اور کارکنان وعوام ، بانی تحریک جناب الطاف حسین کو باربار دے چکے ہیں ۔ ہرسال بانی تحریک جناب الطا ف حسین کی سالگرہ کے موقع پر تمام بزرگ، خواتین ، یوتھ ونگ، لیبرڈویژن ، اے پی ایم ایس او،شعبہ خواتین ، میڈیکل ایڈ کمیٹی اورلیگل ایڈ کمیٹی سمیت دیگر شعبہ جات کے ذمہ داران وکارکنان اس بات کی تجدیدکرتے رہے ہیں کہ وہ تادم مرگ قائد تحریک جناب الطاف حسین اورانکے فکروفلسفہ سے وفادار رہیں گے ، کوئی لالچ، ڈر اور خوف انکے پایہ استقلال میں لغزش پیدا نہیں کرسکتا۔
مصطفی عزیزآبادی ، قاسم علی رضا، واسع جلیل اور محمد اشفاق نے کہاکہ ایم کیوایم کے قانون اورآئین کے مطابق فاروق ستارکو ، ایم کیوایم کی رابطہ کمیٹی نے قائد تحریک جناب الطاف حسین کی توثیق کے بعد پارلیمانی لیڈر بنایاتھا لیکن وہ تنظیمی ودیگر امور پر بحیثیت پارلیمانی لیڈرکسی بھی فیصلے کو عوام پر تھوپنے کا کوئی اختیار نہیں رکھتے ۔ انہوں نے کہاکہ باربار کی غداریاں کرکے معافی مانگ کر دوبارہ تحریک میں اپنی سابقہ پوزیشن پر واپس آجانے میں قائد تحریک جناب الطاف حسین کی فراخدلی کا عمل دخل ہے لہٰذا آج ایم کیوایم کے تمام کارکنان کو مطلع کیاجاتا ہے کہ فاروق ستارکو اسٹیبلشمنٹ کے ہاتھوں حق پرست شہداء کے لہو کا سودا کرنے اور باربار غداری کا اعادہ کرنے کے جرم میں پارٹی کی بنیادی رکنیت سے خارج کیاجا تا ہے ۔ 
مصطفی عزیزآبادی ، قاسم علی رضا، واسع جلیل اور محمد اشفاق نے ایک مرتبہ پھر کہاکہ سینیٹ ، قومی اسمبلی اورصوبائی اسمبلی کے ارکان کو عوام وکارکنان نے قائد تحریک جناب الطاف حسین کے نام پر ووٹ دیکر منتخب کرایا ہے ، ان ایوانوں کی رکنیت قوم کی امانت ہے اور قائد تحریک جناب الطاف حسین کا حکم ہے کہ باغیرت اور شہیدوں کی قربانیوں کا پاس رکھنے والے ارکان سینیٹ ، قومی اورصوبائی اسمبلی ان منتخب ایوانوں کی رکنیت سے فی الفور استعفیٰ دیدیں ۔انہوں نے مزید کہاکہ فاروق ستار اب ایم کیوایم کی جانب سے متعین کردہ پارلیمانی لیڈر نہیں رہے لہٰذا ایم کیوایم کے تمام ارکان سینیٹ ، قومی وصوبائی اسمبلی آزاد ہیں اوروہ پارٹی پالیسی کے خلاف کیے جانے والے اقدامات پر احتجاجاً استعفیٰ دیکر اپنی اپنی رکنیت سے علیحدہ ہوجائیں ۔ انہوں نے کہاکہ جو منتخب نمائندہ ، کنوینر ندیم نصرت کے حکم کو نہیں مانے گا مستقبل میں ان کے خلاف تنظیمی کارروائی کی جائے گی اورعوامی سطح پر ایسے عناصر کا سوشل بائیکاٹ کیاجائے گا لہٰذا جن منتخب ارکان کو حق پرست شہداء کے لہو کا پاس ہے وہ فوری طورپر سینیٹ ، قومی اسمبلی اور صوبائی اسمبلی کی رکنیت سے استعفیٰ دیدیں۔ 
مصطفی عزیزآبادی ، قاسم علی رضا، واسع جلیل اور محمد اشفاق نے ایم کیوایم کے تمام کارکنان ، بزرگوں ، ماؤں ، بہنوں ، نوجوانوں اورتمام شعبہ جات کے اراکین وکارکنان سے اپیل کی کہ وہ اپنی صفوں میں اتحاد برقراررکھیں اور مہاجروں کے خلاف کی جانے والی سازشوں کو اپنے اتحاد کے ذریعہ ناکام بنادیں اور پارٹی کے کنوینر ندیم نصرت کے ہراس بیان پر من وعن یقین کریں جس کی توثیق قائد تحریک جناب الطاف حسین کرچکے ہوں۔

*****
7/18/2026 11:44:09 PM