مشہو ر و معروف ٹیسٹ کرکٹر لٹل ماسٹر حنیف محمد کے انتقال پرجناب الطاف حسین کااظہار افسوس

لندن۔۔۔11، اگست2016ء 

متحدہ قومی موومنٹ کے قائد جناب الطاف حسین نے مشہو ر و معروف ٹیسٹ کرکٹر لٹل ماسٹر حنیف محمد کے انتقال پر گہرے دکھ اورا فسوس کااظہار کیا ہے اور کہا ہے کہ حنیف محمد مرحوم کی پاکستان اور دنیائے کرکٹ کیلئے خدمات ہمیشہ یاد رکھی جائیں گی ۔ ایک تعزیتی بیان میں جناب الطاف حسین نے کہاکہ حنیف محمد مرحوم نے اپنی کارکردگی اور صلاحیتوں کا ہمیشہ لوہا منوایا اور کرکٹ میں پاکستان کا نام دنیا بھر میں روشن کیا۔ جناب الطاف حسین نے کرکٹ میں حنیف محمد مرحوم کی خدمات پر زبردست خراج عقیدت پیش کرتے ہوئے کہاکہ حنیف محمد کے انتقال سے پیدا ہونے والا خلا پر نہیں کیا جاسکتا ۔ جناب الطاف حسین نے حنیف محمد مرحوم کے سوگوار لواحقین سے دلی تعزیت وہمدردی کااظہار کرتے ہوئے کہا کہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوارا ن کو یہ صدمہ برداشت کرنے کا حوصلہ عطاکرے