برطانیہ کے شہر مانچسٹر میں ایم کیو ایم برطانیہ کے زیراہتمام دعوت افطار کا انعقاد کیا گیا

لندن۔۔28جون2016ء

برطانیہ کے شہر مانچسٹر میں ایم کیو ایم برطانیہ مانچسٹر یونٹ کے زیر اہتمام دعوت افطار کا اہتمام کیا گیا جس میں ایم کیو ایم مانچسٹر یونٹ کے ذمہ داران ، کارکنان ،خواتین اور بچوں سمیت پاکستانی کمیونٹی نے کی بڑی تعداد میں شرکت کی۔ایم کیو ایم برطانیہ کے آرگنائزرہاشم اعظم نے کہاہے کہ انسانی حقوق کے بین ا لاقوامی ادارے پاکستان میں مہاجروں پر ظلم وستم کے خلاف آواز بلند کریں۔ رینجرزکراچی میں ایم کیو ایم کے کارکنان اور ہمدردوں کو سیاسی انتقام کا نشانہ بنارہی ہے۔ یہ بات انہوں نے انہوں نے کہا کہ کراچی آپریشن کے نام پر ایم کیو ایم کے ہزاروں کارکنان کو بلاجواز گرفتار کر کے انہیں جھوٹے مقدمات میں ملوث کردیا گیا ہے۔ رینجرز اورپولیس کالعدم مذہبی تنظیموں کے دہشت گردوں اور جرائم پیشہ افراد کے خلاف کارروائی کرنے کے بجائے ایم کیو ایم کو بلاجواز نشانہ بنارہے ہیں جس سے ثابت ہوتا ہے کہ کراچی آپریشن کا مقصد ایم کیو ایم کو نقصان پہنچانا ہے۔ انہوں نے برطانیہ میں مقیم ایم کیوایم کے کارکنوں اور ہمدردوں پر زور دیا کہ وہ انسانی حقوق کے بین الاقوامی اداروں کو پاکستان میں مہاجروں کے ساتھ ہونے والے مظالم سے آگاہ کریں۔دعوت افطار سے ایم کیو ایم برطانیہ کے سیکریٹری جنرل منظور احمد اور مانچسٹر کے یونٹ انچارج محمد حفیظ نے بھی اظہار خیال کیا۔ آخر میں ایم کیو ایم کے شہداء، سانحہ اورلینڈواور برطانوی رکن پارلیمنٹ جو کوکس کی یاد میں شمعیں روشن کی گئی۔