متحدہ قومی موومنٹ کے وفد کا نذیر حسین یونیورسٹی کا دورہ

کراچی ۔۔۔ 23؍ مئی 2016ء

متحدہ قومی موومنٹ کی رابطہ کمیٹی کے اراکین قمر منصور، عبدالقادر خانزادہ، محفوظ یار خان نے حال ہی میں ایم کیو ایم میں شمولیت اختیار کرنے والی نامور شخصیات کرم چند، جاوید اقبال، ڈاکٹر پروفیسر حسن ظفر عارف، ساتھی اسحاق، حیدر امام رضوی اور امجد اللہ خان کے ہمراہ وفد کی شکل میں ایم کیو ایم کے فلاحی ادارے خدمت خلق فاؤنڈیشن کے تحت فیڈرل بی ایریا میں قائم کردہ نذیر حسین یونیورسٹی کا دورہ کیا۔ نذیر حسین یونیورسٹی کے وائس چانسلر ڈاکٹر الطاف حسین نے یونیورسٹی گیٹ پر ایم کیو ایم کے وفد کا استقبال کیا۔ ایم کیو ایم کے وفد نے وائس چانسلر اور یونیورسٹی کے فیکلٹی ممبران کے ہمراہ ملاقات کے دوران یونیورسٹی کے انتظامی و تعلیمی معاملات پر تفصیلی تبادلہ خیال کیا۔ بعدازاں ایم کیو ایم کے وفد نے یونیوسٹی کی فارمیسی فیکلٹی، ایجوکیشن اینڈ سائنسز فیکلٹی، آرکیٹیکچر فیکلٹی، بزنس فیکلٹی، میکینکل انجینئرنگ فیکلٹی، الیکٹریکل انجینئرنگ فیکلٹی اور دیگر تعلیمی شعبوں کا بھی دورہ کیا اور طلبہ و طالبات سے ملاقات کی۔ 





تصاویر