ایم کیو ایم ملتان زون کے زیراہتمام قائدتحریک جناب الطاف حسین سے اظہاریکجہتی کے لئے ریلی کاانعقاد

ملتان۔۔۔۔۔29 اپریل2016

متحدہ قومی موومنٹ جنوبی پنجاب ملتان زون کے زیراہتمام قائدتحریک جناب الطاف حسین سے اظہاریکجہتی کے لئے ریلی نکالی گئی جوملتان زون سے شروع ہوکرمختلف شاہراہوں اورراستوں سے ہوتی ہوئی ملتان پریس کلب پراختتام پذیرہوئی جہاں عوام نے وکٹری کانشان بناکرریلی کاخیرمقدم کیا۔اس موقع پرموٹرسائیکلوں،کاروں،سوزوکیوں اوردیگرگاڑیوں پرسوارریلی کے ہزاروں شرکاء نے ہاتھوں میں قائدتحریک الطاف حسین کی تصاویراورایم کیوایم کے پرچم اٹھارکھے تھے جن پرقائدتحریک اورایم کیوایم کے حق میں نعرے درج تھے،اس موقع پرریلی کاشرکاء کاجوش وخروش قابل دیدتھااوران کی جانب سے وقفے وقفے سے جناب الطاف حسین اورایم کیوایم کے حق میں نعرے بلندکیے جاتے رہے۔ریلی کی قیادت ایم کیوایم کی رابطہ کمیٹی کے رکن شبیراحمدقائمخانی،صوبائی تنظیمی کمیٹی کے رکن ندیم مرزا ،پنجاب کمیٹی کے ارکان حاجی عتیق عباسی ، ادریس جامی ، جاوید چیمہ رانا ابوبکر ،،ڈسٹرکٹ کمیٹی اورٹاؤن کمیٹیوں کے عہدیداران وکارکنان کے علاوہ ملتان کے حق پرست عوام نے بڑی تعدادمیں شرکت کی۔