متحدہ قومی موومنٹ کے قائد جناب الطاف حسین برطانوی پولیس کی جانب سے پاسپورٹ واپس ملنے اور عائد سفری پابندیوں کے خاتمے کے بعد مشرق وسطیٰ، یورپی ممالک اور امریکا میں مقیم کارکنان، ہمدردوں اور پاکستانی کمیونٹی کے بے حد اصرار پر ان ممالک کا دورہ کریں گے۔ رابطہ کمیٹی ایم کیو ایم
دوروں کے حوالے سے معاملات کو حتمی شکل دی جارہی ہے۔ رابطہ کمیٹی ایم کیو ایم
کراچی ۔۔۔ 16؍ فروری 2016ء
متحدہ قومی موومنٹ کے سینئر ڈپٹی کنونیر عامر خان، ڈپٹی کنونیرز کہف الوریٰ، سید شاہد پاشا اور نسرین جلیل نے ایک مشترکہ بیان میں کہا ہے کہ جناب الطاف حسین پر پولیس ضمانت کی پابندیاں ختم کئے جانے اور آج میٹرو پولیٹن پولیس کی جانب سے جناب الطاف حسین کا پاسپورٹ واپس کرتے ہوئے ان پر عائد سفری پابندیوں کے خاتمے کے بعد دنیا بھر میں مقیم ایم کیو ایم کے کارکنان اور حق پرست عوام میں زبردست خوشی کی لہر دوڑ گئی ہے۔ انہوں نے کہا کہ قائد تحریک کی سفری پابندیوں کے خاتمے کے بعد مشرق وسطی، یورپی ممالک اور امریکا میں مقیم پاکستانی کمیونٹی کے بے حد اصرار پر جناب الطاف حسین کے دوروں کے حوالے سے معاملات کو حتمی شکل دی جارہی ہے۔ جس کے بعد قائد تحریک جناب الطاف حسین مشرق وسطیٰ، یورپی ممالک اور امریکا میں کی مختلف ریاستوں کے دورے کریں گے۔