مہاجر، پنجابی، پختون، بلوچ، سندھی، ہزارے وال، سرائیکی تمام قومیتوں اور برادریوں کے لوگ ایک ہیں۔ الطاف حسین

لندن ۔۔۔ 3 دسمبر 2015ء

متحدہ قومی موومنٹ کے قائدجناب الطاف حسین نے کہاہے کہ کراچی میں رہنے والے مہاجر، پنجابی، پختون،بلوچ، سندھی، ہزارے وال، سرائیکی،کشمیری ، گلگتی ، بلتستانی تمام قومیتوں، برادریوں کے لو گ ایک ہیں اوروہ 5دسمبرکوووٹ دیکربھاری اکثریت سے ایم کیوایم کو کامیاب بنائیں گے اورہم سب ملکر ملک کی خدمت کریں گے۔ انہوں نے یہ بات جمعرات کی شب کراچی کے علاقے محمودآباد میں اجتماع سے خطاب کرتے ہوئے کہی جس میں ہزاروں افراد نے شرکت کی۔ جناب الطاف حسین نے اجتماع سے اپنے مختصرخطاب میں اردوکے ساتھ ساتھ پنجابی،پشو، بلوچی اورسندھی زبان میں بھی گفتگوکی۔انہوں نے کہاکہ دیگر زبانیں بولنے والے عوام کوایک سازش کے تحت الطاف حسین کے خلاف بہکایا گیا، انہیں بدظن کرنے کی کوشش کی گئی لیکن آج تمام زبانیں بولنے والے عوام حقائق کواچھی طرح سمجھ چکے ہیں اور اب انہوں نے الطاف حسین کاہاتھ تھام لیاہے اورسمجھ لیاہے کہ الطاف حسین مظلوموں کانہیں بلکہ ظالم جاگیرداروں اوروڈیروں کادشمن ہے اوروہ مظلوموں کے حقوق کیلئے جدوجہدکررہاہے ۔ جناب الطاف حسین نے کہاکہ دشمنوں کی تمام تر سازشوں اور پروپیگنڈوں کے باوجود پنجابی، پختون،بلوچ، سندھی، ہزارے وال، سرائیکی،کشمیری ، گلگتی ، بلتستانی تمام قومیتوں اور برادریوں کے لو گ ایم کیوایم کے پلیٹ فارم پرمتحد ہوچکے ہیں ، ہم سب ایک تھے، ایک ہیں اورانشاء اللہ ہم سب ملکراپنے شہرکوترقی دیں گے اورملک کی قسمت سنواریں گے ۔ جناب الطاف حسین نے منظور کالونی میں بعض مخالفین کی جانب سے ایم کیوایم کے انتخابی کیمپ پر حملے کی شدیدمذمت کی اورکہاکہ میں مخالفین کوبتادیناچاہتاہوں کہ ہم بندوقوں اورڈنڈوں سے ڈرنے والے نہیں ہیں، تمام زبانیں بولنے والے حق پرست عوام ملکر دشمنوں کے سازشی ہتھکنڈوں کامقابلہ کریں گے۔ جناب الطاف حسین نے عوام سے اپیل کی کہ وہ 5دسمبرکوگھروں سے نکلیں اوراپنے ووٹوں کی مددسے ایم کیوایم کوبھاری اکثریت سے کامیاب بنائیں۔ اس موقع پر ایم کیوایم رابطہ کمیٹی کے اراکین ،ارکان اسمبلی اورعلاقائی ذمہ داروں نے بھی خطاب کیا۔





مزید تصاویر