ناظم آباد میٹرک بورڈ آفس کے قریب دہشت گردوں کی فائرنگ سے سٹی وارڈن کے دو اہلکاروں سجاد حسین اورعباس کے قتل کے واقعہ پر رابطہ کمیٹی کااظہارِ مذمت
دہشت گرد ایک منظم منصوبہ بندی کے تحت شہر میں بے گناہ لوگوں کا قتل عام کرکے ا من و امان کی صورتحال کو سبوتاژکرنا چاہتے ہیں، رابطہ کمیٹی
دہشت گردوں کی فائرنگ سے سٹی وارڈن کے اہلکاروں کے قتل کا نوٹس لیا جائے، رابطہ کمیٹی
کراچی :۔۔۔۔29، مارچ 2013ء
متحد ہ قومی موومنٹ کی رابطہ کمیٹی نے ناظم آباد میٹرک بورڈ آفس کے قریب دہشت گردوں کی فائرنگ سے سٹی وارڈن کے دو اہلکاروں سجاد حسین اور عباس کے قتل کے واقعہ کی سخت ترین الفاظ میں مذمت کی ہے اور زخمی اہلکارعباس سے دلی ہمدردی کااظہار کرتے ہوئے اسے کھلی دہشت گردی قرار دیا ہے ۔ ایک بیان میں رابطہ کمیٹی نے کہاکہ دہشت گرد ایک منظم منصوبہ بندی کے تحت شہر میں بے گناہ لوگوں کا قتل عام کرکے ا امن و امان کی صورتحال کو سبوتاژکرنا چاہتے ہیں ، انہوں نے کہاکہ دہشت گردوں کی جانب سے سٹی وارڈن کے اہلکاروں کی ہلاکت قابل مذمت ہے۔ انہوں نے واقعہ میں جاں بحق ہونیوالے سٹی وارڈن کے اہلکاروں کے سوگوار لواحقین سے دلی تعزیت وہمدردی کااظہار کرتے ہوئے مرحومین کی مغفرت اور زخمیوں کی جلد ومکمل صحتیابی کے لئے دعا بھی کی ۔ رابطہ کمیٹی نے گور نر سندھ ڈاکٹر عشرت العباد خان ، نگراں وزیر اعلیٰ سندھ زاہد قر بانی علوی سمیت قانون نافذ کرنے والے اداروں سے مطالبہ کیاکہ وہ دہشت گردوں کی فائرنگ سے سٹی وارڈن کے اہلکاروں کے قتل کا نوٹس لیا جائے اور اس میں ملوث دہشت گردوں کو گرفتارکرکے انہیں قرا ر واقعی سزاد ی جائے ۔