ایم کیوایم موروثی سیاست کا خاتمہ چاہتی ہے اور وہ نئی اور نوجوان قیادت متعارف کرارہی ہے۔ الطاف حسین

لندن ۔۔۔ 28 مارچ 2013ء

متحدہ قومی موومنٹ کے قائدجناب الطاف حسین نے کہاہے کہ ایم کیوایم موروثی سیاست کا خاتمہ چاہتی ہے اوروہ نئی اورنوجوان قیادت متعارف کرارہی ہے۔ انہوں نے یہ بات لاہورسے قومی اسمبلی کے حلقہ این اے 125 اور این اے 129 سے ایم کیوایم کی امیدوار اور ممتاز آسٹرولوجسٹ ڈاکٹرزیب النساء سے فون پر گفتگوکرتے ہوئے کہی۔ انہوں نے کہاکہ ایم کیوایم میں خاندانی رشتہ داری،دوستی یاموروثیت کی بنیادپر ٹکٹ نہیں دیے جاتے بلکہ صلاحیت اور میرٹ پر ہی ذمہ داریاں دی جاتی ہیں۔انہوں نے قومی اسمبلی کے دوحلقوں سے کاغذات جمع کرانے پر ڈاکٹرزیب النساء کومبارکبادپیش کی اورامید ظاہر کی کہ وہ محنت ولگن سے انتخابی مہم چلائیں گی۔ اس موقع پر ڈاکٹرزیب النساء نے جناب الطاف حسین سے گفتگوکرتے ہوئے کہاکہ آپ ملک کے محروم اور تبدیلی کی خواہش رکھنے والے تمام عوام کیلئے امیدکی کرن ہیں، ایم کیوایم ایک صحیح اور سچی جمہوریت پسند جماعت ہے جودیگرتمام سیاسی جماعتوں سے ممتاز ہے اورایم کیوایم کاپیغام پنجاب کے کونے کونے میں پھیل رہاہے اورانشاء اللہ وہ وقت آئے گاجب ایم کیوایم ملک کی سب سے بڑی جماعت بنے گی۔