پروفیسر سبط جعفر کی شہادت نے پاکستان کو ایک عظیم سرمایہ سے محروم کردیا، الطاف حسین

لندن :۔۔۔۔18،مارچ 2013ء 

متحد ہ قومی موومنٹ کے قائد جناب الطاف حسین نے لیاقت آباد سندھی ہوٹل کے قریب مسلح دہشت گردوں کی فائرنگ سے مقامی کالج کے پرنسپل پروفیسر سبط جعفر کی المناک شہادت پر گہرے رنج و غم کااظہار کیا ہے ۔ ایک بیان میں جناب الطاف حسین نے کہاہے کہ پروفیسر سبط جعفر کی شہادت نے پاکستان کو ایک عظیم سر مایہ سے محروم کردیا ہے، شہید اس دور کے بلند پایااور صاحب طرز سوز و مرسیاں خان تھے ۔انہوں نے کہاکہ سبط جعفر ایک انتہائی خلیق اور شریف انفس انسان تھے ، انکی ساری زندگی درس اور دتدریس و فروغ تعلیم سے عبارت ہے وہ نہ صرف ایک قادر کلام شاعرتھے بلکہ انہوں نے قدیم مرسیاں نگاروں کے غیر مطبوعہ اور غیر معروف مرسیوں کو جمع کرکے ایک کتاب ’’ بستہ‘‘ تالیف کی تھی ان کی شہادت سے آج ہم ایک عظیم تہذیبی ورثے سے محروم ہوگئے ہیں اور انکی المناک شہادت سے مرسی خان کا ایک باب بند ختم ہوگیا۔ جناب الطاف حسین نے شہید کے تمام سوگوارلواحقین سے دلی تعزیت و ہمدردی کااظہار کرتے ہوئے انہیں صبر کی تلقین کی اور کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ انہوں نے اللہ تعالیٰ کے حضور دعا کی کہ شہید کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطا کرے ۔(آمین)