حیدر آباد سائٹ ایریا سیکٹر آفس پر مسلح دہشت گردوں کی فائرنگ کا واقعہ بدترین بزدلانہ اقدام ہے، سلیم شہزاد
حیدر آباد سائٹ ایریا سیکٹر آفس پر مسلح حملہ کرنے والے اور کروانے والے اگر حلال کی پیدا وار ہیں تو حیدر آباد پولیس کلب میں اپنے نام بمعہ ولدیت درج کرادیں
دیگر صورت میں ایسے مسلح قاتل حملہ آور وں کو نہ صرف مجر م بلکہ حرام کی اولاد تصور کیا جائیگا ،سلیم شہزاد
لندن ۔۔۔17، مارچ2013ء
متحدہ قومی موومنٹ کے رہنما ء اور سابق رکن قومی اسمبلی سیلم شہز اد نے حیدر آباد سائٹ آفس سیکٹر پر مسلح دہشت گردوں کی فائرنگ کو بدتر ین بزدلانہ اقدام قرار دیتے ہوئے اس وحشیانہ کارروائی کی شدید الفاظ میں مذمت کی ہے جس کے نتیجے میں ایم کیوایم کے تین کارکنان شہید ہوگئے جبکہ ایک سیکٹر ممبر زخمی حالت میں زندگی اور موت کی کشمکش میں مقامی اسپتال میں زیر علاج ہیں ۔سلیم شہزاد نے حملہ کرنے والے دہشت گرد قاتلوں اور جن کی ہدایت پر انہوں نے درندگی او ربربر یت کی واردات کی انہیں مخاطب کرتے ہوئے کہا کہ حیدر آباد سائٹ ایریا سیکٹر آفس پر مسلح حملہ کرنے والے اور کروانے والے اگر حلال کی پیدا وار ہیں یعنی ان کا باپ اور ماں ایک ہے تو وہ حیدر آباد پریس کلب میں اپنے نام بمعہ ولدیت درج کرادیں ورنہ دیگر صورت میں ایسے مسلح دہشت گرد حملہ آور وں کو نہ صرف مجر م بلکہ حرام کی اولاد تصور کیا جائیگا ۔