ایم کیوایم کا 29 واں یوم تاسیس پاکستان سمیت دنیا بھر میں 18 مارچ کو انتہائی جوش وخروش اور جذبے سے منایا جائے گا

میرپورخاص:۔۔۔15؍مارچ2013ء

متحدہ قومی موومنٹ کے زیراہتمام ایم کیوایم کا29واںیوم تاسیس ہرسال کی طرح امسال بھی پاکستان سمیت دنیابھر18مارچ کوانتہائی جوش وخروش اورجذبے سے منایاجائے گا،یوم تاسیس کے سلسلے میں مرکزی اجتماع صوبہ سندھ کے شہرمیرپورخاص کے معروف گامااسٹیڈیم میں منعقدکیاجارہاہے جس سے ایم کیوایم کے قائدجناب الطاف حسین انتہائی اہم اور فکر انگز خطاب کرینگے۔میرپورخاص کے گامااسٹیڈیم میں ایم کیوایم کے 29ویںیومِ تاسیس کے مرکزی اجتماع سے جناب الطاف حسین کے خطاب کے باعث میرپورخاص کے حق پرست عوام خصوصاًایم کیوایم کے ذمہ داران وکارکنان میں زبردست جوش وخروش پایاجارہاہے جبکہ مرکزی اجتماع کوکامیاب بنانے اورعوام کی زیادہ سے زیادہ تعدادمیں شرکت کویقینی بنانے کیلئے ایم کیوایم میرپور خاص زون کی جانب سے میرپورخاص کی مختلف یوسیز،ٹاؤن میں کارنر میٹنگز کاانعقادکیاجارہاہے جس میں حق پرست عوام بڑی تعدادمیں شرکت کررہے ہیں اور یوم تاسیس کے مرکزی جلسہ عام کے میر پور خاص میں انعقاد پر اپنی خوشی اور تاثرات کااظہار بھی کررہے ہیں ۔ جبکہ ان کارنرمیٹنگزمیں ایم کیوایم کی رابطہ کمیٹی کے ارکان،منتخب حق پرست عوامی نمائندے، ایس ٹی سی کے ذمہ داران اورزونل کمیٹی کے ارکان شرکت کرکے عوام کویوم تاسیس کے مرکزی اجتماع میں شرکت کی دعوت دے رہے ہیں۔اس سلسلے میں گزشتہ شب میرپورخاص کے زیر اہتمام سیکٹراے اورسیکٹربی میں علیحدہ علیحدہ کارنرمیٹنگز منعقدکی گئی جن میں حق پرست رکن سندھ اسمبلی خالدبن ولایت ، سندھ تنظیمی کمیٹی کے ارکان راناصدیقی،عائشہ آفتاب، میرپور خاص زون شعبہ خواتین کی انچارج محترمہ عشرت بیگم،جوائنٹ محترمہ انچارجزنسرین شکوراور محترمہ رضہ شریف نے شرکت کی ۔ کارنرمیٹنگ سے اپنے خطاب مقررین نے کہاکہ میرپورخاص قائدتحریک جناب الطاف حسین کے چاہنے والوں کاشہرہے ،ایم کیوایم کا18مارچ کو مرکزی جلسہ ملک کی تاریخ میں اہم سنگ میل ثابت ہوگا۔انہوں نے کہاکہ ایم کیوایم کی جدوجہدکا مقصدملک سے جاگیردارانہ وڈیرانہ نظام کاخاتمہ اورملک میں غریب ومتوسطہ طبقے کے حکمرانی قائم کرناہے۔انہوں نے میٹنگزکے شرکاء کوایم کیوایم کے29ویںیوم تاسیس کی پیشگی مبارکباداوریوم تاسیس میں بھرپورشرکت کی دعوت دیتے ہوئے کہاکہ 18مارچ کومیرپورخاص کے غیورعوام مائیں،بہنیں،بزرگ،نوجوان ،بچے خصوصاً طلبہ وطالبات جناب الطاف حسین سے اپنی والہانہ محبت کااظہارکریں گے اورگامااوسٹیڈیم میں منعقدہ جلسہ میں زیادہ سے زیادہ تعدادمیںیوم تاسیس کے اجتماع میں شرکت کریں گے۔