حق پرست رکن قومی اسمبلی شیخ صلاح الدین و دیگرارکان اسمبلی نے پارلیمنٹ میں وفاقی دارالحکومت لوکل گورنمنٹ ایکٹ 2013پیش کر دیا

اسلام آباد۔۔۔12،مارچ2013ء

حق پرست رکن قومی اسمبلی شیخ صلاح الدین و دیگرارکان اسمبلی نے پارلیمنٹ میں وفاقی دارالحکومت لوکل گورنمنٹ ایکٹ 2013پیش کر دیا۔بل میں مطالبہ کیاگیاہے کہ اسلام آبادمیں منتخب نمائندوں پر مشتمل بلدیاتی اداروں کا قیام عمل میں لایا جائے واضح رہے کہ اسلام آباد شہرکی آبادی دس لاکھ سے تجاویز کر گئی ہے اور سی ڈی اے مقامی مسائل کو حل کرنے میں بری طرح ناکام ہوگئی ہے ۔ بل میں واضح کیا گیا ہے کہ آئین کے آرٹیکل32کے مطابق مقامی حکومتوں کا قیام ریاست کی ذمہ داری ہے ۔ بل کو اسمبلی سے منظور کر اویا جائے گاتاکہ اقتدارکی نچلی سطح تک منتقلی اورمضبوط جمہوریت کی نرسری بلدیاتی نظام کاسہرااس تاریخ سازجمہوری حکومت کوملے۔