سانحہ عباس ٹاؤن کے متاثرین کی آباد کاری اور زخمیوں کے علاج ومعالجہ کے لئے حکومت کی جانب سے خاطر خواہ پیش رفت نہ ہونے پر جناب الطاف حسین کا اظہار تشویش

لندن ۔۔6مارچ 2013ء 

متحدہ قومی موومنٹ کے قائد جناب الطاف حسین نے سانحہ عباس ٹاؤن کے متاثرین کی آباد کاری اور زخمیوں کے علاج ومعالجہ کے لئے حکومت کی جانب سے خاطر خواہ پیش رفت نہ ہونے پر گہری تشویش کا اظہار کیا ہے ۔ ایک بیان میں جناب الطاف حسین نے کہا کہ چارروز گزر جانے کے بعد بھی سانحہ عباس ٹاؤن میں ملوث سفاک درندہ صفت دہشت گرد عناصر قانون کی گرفت سے آذاد ہیں، جبکہ حکومت کی جانب سے مسلسل بے حسی کا مظاہر ہ کیا جارہا ہے اور متاثرین کے دکھ اور غم میں شریک ہونے کے بجائے روایتی بیان بازی کا مظاہر کیا جارہا ہے جس کی جتنی مذمت کی جائے کم ہے۔جناب الطاف حسین نے ایم کیوایم کے ذمہ داران وکارکنان کو ہدایت کی ہے کہ وہ اپنا فرض سمجھ کرسانحہ عباس ٹاؤن کے متاثرین کی مدد کریں اور ان کی دوبارہ آباد کاری تک دن رات امدادی سرگرمیوں میں مصروف رہیں ۔جناب الطاف حسین نے عوام ومخیر حضرات سے پر زور اپیل کی ہے کہ وہ سانحہ عباس ٹاؤن کے متاثرین کے لئے روز مررہ کی اشیاء اور غذائی اجناس زیاد ہ سے زیادہ تعداد میں خدمت خلق فاؤنڈیشن کے مرکزی دفتر واقع بلا ک 14فیدرل بی ایر یا یاس ایم کیوایم کے مرکز نائن زیر و عزیز آباد یا عباس ٹاؤن میں لگائے گئے ایم کیوایم کے کیمپ میں جمع کر ائیں اور اس کار خیر میں بھر پور حصہ لیں۔