گورنر پنجاب چوڌري محمد سرور جو ايم ڪيو ايم جي قائد جناب الطاف حسين سان فون تي رابطو، موجوده صورتحال تي ڳالھ ٻولھ.
گورنر پنجاب موجوده سياسي بحران جي حل جي سلسلي ۾ قائد تحريڪ جناب الطاف حسين جي ڪردار کي ساراهيو.
لنڊن؛ 17 آگسٽ 2014
گورنر پنجاب چوڌري محمد سرور متحده قومي موومينٽ جي قائد جناب الطاف حسين سان فون تي رابطو ڪيو ۽ انهن سان موجوده صورتحال تي ڳالھ ٻولھ ڪئي. گورنر پنجاب موجوده سياسي بحران جي حل جي سلسلي ۾ جناب الطاف حسين جي ڪردار کي ساراهيو ۽ ان کي وقت جي ضرورت قرار ڏنو. جناب الطاف حسين موجوده سياسي بحران جي سياسي حل جي سلسلي ۾ گورنر پنجاب جي ڪوششن جي به تعريف ڪئي. انهن گورنر پنجاب کي چيو ته اوهان سميت جيڪي شخصيتون به مسئلن جي حل جي لاءِ سنجيده ڪوششون ڪري رهيون آهن مان انهن کي خراج تحسين پيش ڪريان ٿو ۽ دعا ڪريان ٿو ته مسئلي جو ڪوئي اهڙو حل نڪري جو اپوزيشن مطمئن ٿئي ۽ حڪومت کي به تسلي ٿئي ۽ سڀ گڏجي ڪري ملڪ جي خدمت ڪريون.
****