نيوز ويڪ جي طرفان دي رائيٽ مين جو خطاب ڏيڻ جناب الطاف حسين جي فڪر و فلسفي ۽ نظرئي جي سچائي جو ثبوت آهي. اشفاق منگي.
اشفاق منگي ڀٽائي ڪالوني ڪورنگي ڪراسنگ جي معزز شخصيتن ۾ دي رائيٽ مين جون ڪاپيون ورهايون.
ڪراچي؛ 16 آگسٽ 2014
متحده قومي موومينٽ ڪراچي آرگنائيزنگ ڪميٽي جي زير اهتمام رابطا ڪميٽي جي ميمبر اشفاق منگي ڀٽائي ڪالوني ڪورنگي ڪراسنگ ۾ مقيم سنڌي برادري سان تعلق رکڻ وارين معزز شخصيتن فدا حسين عباسي، خادم چانڊيو، رياض حسين چنه ۽ ٻين سان انهن جي رهائشگاهن تي ملاقات ڪري انهن کي جناب الطاف حسين جي انگريزي رسالي نيوز ويڪ ۾ دي رائيٽ مين جي عنوان سان شائع ٿيل انٽرويو جون انگريزي، سنڌي ۽ اردو جون ڪاپيون ورهايون.ان موقعي تي اشفاق منگي چيو ته جناب الطاف حسين ۽ ايم ڪيو ايم جي خلاف ٻه سيڪڙو استحصالي طبقو پهرين ڏينهن کان ئي سازشن ۾ مصروف آهي ، انهن چيو ته 19 جون 1992 تي ايم ڪيو ايم کي ختم ڪرڻ جي لاءِ ان جي خلاف آپريشن ڪيو ويو ۽ هزارين ڪارڪنن کي شهيد ڪيو ويو ۽ جناب الطاف حسين جي ڀاءُ ۽ ڀائيٽي کي به شهيد ڪيو ويو پر تمام تر سازشن جي باوجود ايم ڪيو ايم جي ڪارڪنن جا حوصلا ڪمزور نه ٿي سگهيا ۽ اڄ نيوز ويڪ جي طرفان دي رائيٽ مين جو خطاب ڏيڻ جناب الطاف حسين جي فڪر و فلسفي ۽ نظرئي جي سچائي جو ثبوت آهي.معزز شخصيتن ان موقعي تي ڳالھ ٻولھ ڪندي چيو ته جناب الطاف حسين هڪ سچا ۽ کرا ليڊر آهن جن ڪڏهن به ڪنهن جي اڳيان سر نه جهڪايو آهي. ان موقعي تي ڪراچي مضافاتي آرگنائيزنگ ڪميٽي جو انچارج فرخ اعظم ۽ ٻيا به موجود هئا.