ايم ڪيو ايم جي طرفان اسلام آباد ۾ انقلاب ۽ آزادي مارچ جي شرڪاء ۾ کاڌي پيتي جون شيون، جوس، بسڪوٽ ۽ هزارين پاڻي جون بوتلون تقسيم ڪيون.
رابطا ڪميٽي جا ميمبرَ حيدر عباس رضوي، رشيد گوڏيل ۽ اسلم آفريدي شرڪاء جي لاءِ ناشتو به کڻي ويا، مارچ جي شرڪاء کاڌي پيتي جون شيون پهچائڻ تي ايم ڪيو ايم جي قيادت جو شڪريو ادا ڪيو.
اسلام آباد؛ 16 آگسٽ 2014
متحده قومي موومينٽ جي رابطا ڪميٽي جي ميمبرن حيدر عباس رضوي،رشيد گوڏيل ۽ اسلم آفريدي اسلام آباد ۾ پاڪستان عوامي تحريڪ ۽ تحريڪ انصاف جي جلسي گاھ جو دورو ڪيو ۽ قائد تحريڪ جناب الطاف حسين جي هدايت تي سيونٿ ايونيو چوڪ تي ٻنهي جماعتن جي ڪارڪنن ۾ کاڌي پيتي جون شيون، جوس بسڪوٽ ۽ هزارن جي تعداد ۾ پاڻي جون بوتلون تقسيم ڪيون.ان موقعي تي سينٽرل ايگزيڪٽو ڪائونسل جو ميمبر زاهد ملڪ ۽ ٻيا به موجود هئا.مارچ جي شرڪاء کاڌي پيتي جون شيون فراهم ڪرڻ تي قائد تحريڪ جناب الطاف حسين جو دل سان شڪريو ادا ڪيو.رابطا ڪميٽي جا ميمبر مارچ جي شرڪاء سان مليا ۽ انهن جي خيريت دريافت ڪئي.جلسي گاھ ۾ ميڊيا جي نمائندن سان ڳالھ ٻولھ ڪندي رابطا ڪميٽي چيو ته ايم ڪيو ايم جو هميشه کان اهو ئي موقف رهيو آهي ته سياسي معاملن کي افهام و تفهيم ۽ ڳالھ ٻولھ جي ذريعي حل ڪيو وڃي،رابطا ڪميٽي چيو ته قائد تحريڪ جناب الطاف حسين انقلاب مارچ ۽ آزادي مارچ جي شرڪاء جي لاءِ تمام گهڻا فڪر مند آهن ۽ انهن جي طرفان انساني همدردي جي بنياد تي مارچ جي شرڪاء جي مسئلن کي حل ڪرڻ جي هدايت به ڪئي وئي آهي.رابطا ڪميٽي چيو ته جناب الطاف حسين اسلام آباد ۽ راولپنڊي جي رهاڪن کي اپيل ڪئي آهي ته مارچ جا شرڪاء اوهان جا مهمان آهن ۽ انهن جي هر ممڪن مدد ڪرڻ اسان سڀني جو فرض آهي.رابطا ڪميٽي حڪومت ۽ اپوزيشن جي رهنمائن کي اپيل ڪئي ته اهي ملڪ جي موجوده نازڪ صورتحال کي سامهون رکندي ڪنهن به قسم جي محاذ آرائي ۽ ٽڪراءُ کان پاسو ڪن ۽ سياسي معاملن کي ڳالھ ٻولھ جي ذريعي حل ڪن.