شب برات جي موقعي تي ايم ڪيو ايم رابطا ڪميٽي جي ڊپٽي ڪنوينرن ڊاڪٽر خالد مقبول صديقي ۽ انجنيئر ناصر جمال سان گڏجي رابطا ڪميٽي ۽ ٻين جو پاپوش نگر قبرستان سميت شهر جي ٻين قبرستانن جو دورو.
ڪراچي؛13 جون 2014
متحده قومي موومينٽ جي رابطا ڪميٽي جي ڊپٽي ڪنوينرن،رابطا ڪميٽي ۽ ٻين شب برات جي موقعي تي شهداء قبرستان ۽ پاپوش نگر قبرستان سميت ڪراچي جي مختلف قبرستانن جو دورو ڪيو ۽ قائد تحريڪ جناب الطاف حسين جي والدين، وڏي ڀاءُ ناصر حسين شهيد، ڀائٽي عارف حسين شهيد ۽ شهيد انقلاب ڊاڪٽر عمران فاروق شهيدسميت تمام حق پرست شهيدن جي قبرن تي حاضري ڏني. گلن جي چادر چڙهائي ۽ تمام مرحومن ۽ شهيدن جي لاءِ مغفرت ۽ انهن جي درجات جي بلندي جي لاءِ دعا ڪئي ۽ فاتحه خواني ڪئي. ان موقعي تي وفد قائد تحريڪ جناب الطاف حسين سميت تمام سوگوارن جي لاءِ صبر جميل، ايم ڪيو ايم جي ڪاميابي،سازشن جي خاتمي، اسيرن جي رهائي، بيمارن جي لاءِ شفا ۽ قائد تحريڪ جناب الطاف حسين جي وڏي عمر ۽ صحت و تندرستي جي لاءِ دعائون ڪيون. ايم ڪيو ايم وفد ۾ رابطا ڪميٽي ڊپٽي ڪنوينرَ ڊاڪٽر خالد مقبول صديقي، انجنيئر ناصر جمال، رابطا ڪميٽي ميمبر ڪنور خالد يونس، احمد سليم صديقي، خالد سلطان، ڪيف الورٰي، حق پرست سينيٽر مولانا تنويرالحق ٿانوي، ڊاڪٽر عمران فاروق شهيد جو والد فاروق احمد ۽ انهن جي والده ،ڪراچي تنظيمي ڪميٽي ۽ ٻين کان علاوه ڪارڪنن جي وڏي تعداد به انهن سان گڏ هئي.ان موقعي تي انهن قبرستانن جي صفائي، لائيٽنگ ۽ ٻين انتظامن جو جائزو ورتو ۽ قبرستانن جي ٻاهران ڪي ڪي ايف جي لڳايل پاڻي ۽ شربت جي سبيلن ۽ ڪيمپن جو دورو ڪيو ۽ ڪارڪنن سان ملاقات ڪئي ۽ پنهنجن هٿن سان ماڻهن ۾ اگر بتيون ۽ گل ورهايا ۽ انهن کي شربت به پياريو.
****