ڪياماڙي جي ڪڇي برادري ويلفيئر ايڪشن ڪميٽي جي وفد جي خورشيد بيگم سيڪريٽريٽ ۾ رابطا ڪميٽي سان ملاقات سڄي دنيا جي مظلوم ماڻهن جي دعائن جي صدقي دنيا جي ڪائي به طاقت جناب الطاف حسين جي حق پرستي جي نظرئي کي ختم ڪري نه ٿي سگهي.رابطا ڪميٽي ميمبر نثار احمد پنهور.
ڪراچي؛ 13 جون 2014
ڪياماڙي سان تعلق رکندڙ ڪڇي برادري جي فلاحي اداري ڪڇي ڪميونٽي ويلفيئر ايڪشن ڪميٽي جي وفد سابق ڪائونسلر و صدر ڪڇي ويلفيئر ايڪشن ڪميٽي نور محمد جي سربراهي ۾ ايم ڪيو ايم رابطا ڪميٽي جي ميمبر نثار احمد پنهور ۽ ايم ڪيو ايم ڪراچي مضافاتي آرگنائيزنگ ڪميٽي جي انچارج فرخ اعظم سان خورشيد بيگم سيڪريٽريٽ ۾ ملاقات ڪئي ۽ برطانيه ۾ قائد تحريڪ جناب الطاف حسين جي رهائي تي مبارڪباد پيش ڪئي. وفد سان ڳالھ ٻولھ ڪندي نثار احمد پنهور چيو ته ملڪ تي قابض جاگيردار طبقي جناب الطاف حسين جي خلاف پهرين ئي ڏينهن کان سازشون ڪري رهيو آهي ۽ انهي جي ڪري مختلف وقتن ۾ جناب الطاف حسين کي نقصان پهچائڻ جي لاءِ هٿڪنڊا استعمال ڪندا رهيا آهن. انهن چيو ته پاڪستان سميت سڄي دنيا ۾ مقيم مظلوم ماڻهن جون دعائون جناب الطاف حسين سان گڏ آهن ۽ دنيا جي ڪائي به طاقت انهن جي حق پرستي جي نظرئي کي ختم ڪري نه ٿي سگهي.ان موقعي تي فرخ اعظم وفد جي آمد جو شڪريو ادا ڪيو ۽ چيو ته قائد تحريڪ جناب الطاف حسين پاڪستان ۾ وسندڙ 98 سيڪڙو غريب ۽ مظلوم عوام کي بغير ڪنهن فرق جي هڪ پليٽ فارم تي گڏ ڪري چڏيو آهي. اها ئي وجه آهي ته جناب الطاف حسين ۽ ايم ڪيو ايم جي خلاف باطل قوتون سازشون ڪنديون رهن ٿيون. ملاقات ۾ وفد قائد تحريڪ جناب الطاف حسين جي ڪاوشن کي ساراهيو ۽ ڏکئي وقت ۾ جناب الطاف حسين جي صحت و تندرستي جي لاءِ دعائون به ڪيون .