انسداد دہشت گردی فیصل آباد کی عدالت نے پی ٹی آئی کے رہنماؤں اورکارکنوں کو9مئی کے کیس میں دس دس سال قید کی جو سزا سنائی ہے میں اس سزا کو غیرقانونی اورغیرمنصفانہ قراردیتا ہوں اور ان ناجائزاور ظالمانہ سزاؤں کی شدید الفاظ میں مذمت کرتاہوں۔
اس سے قبل سرگودھا کی انسداددہشت گردی کی عدالت نے پی ٹی آئی کے کارکنوں کوسزادی تھی اور اب فیصل آباد کی عدالت نے سزادی ہے۔ میں اور ایم کیوایم کاایک ایک کارکن ان سزاؤں کی مذمت کرتاہے ۔
میں یہاں یہ بات بھی کرناچاہتاہوں کہ فیصل آباد کی عدالت نے 9مئی کے کیس میں فوادچوہدری، زین شاہ اورایک رکن اسمبلی کوبری کردیا ہے یہ کہہ کرکہ یہ لوگ موقع پر موجود نہیں تھے، میراسوال ہے کہ میں گزشتہ 33سالوں سے لندن میں ہوں، پھر ان 33برسوں میں پاکستان میں میرے خلاف قتل، اقدام قتل، گاڑیاں جلانے ، گھیراؤجلاؤاوردیگرمقدمات کیسے قائم کردیے گئے؟ میں تووہاں موجود نہیں تھا۔ مجھ پر ہزاروں جھوٹ مقدمات کیوں قا ئم کردیے گئے ؟مجھے جھوٹے مقدمات میں سزائیں کیوں دی گئیں؟ کیایہ انصاف ہے یاانصاف کاقتل ہے؟
الطاف حسین
ٹک ٹاک پر 291 ویں فکری نشست سے خطاب
31، جولائی2025ئ