مهاجر ثقافتي ميلي جي انعقاد جي لاءِ ڪنهن جي دٻاءُ ۾ اچي ڪري ڪراچي يونيورسٽي جي انتظاميه جي متعصبانه ڪاروائين مان صاف ظاهر ٿئي ٿو ته مهاجرن کي ڀت سان لڳائڻ جون ڀرپور ڪوششون ڪيون پيو وڃن. ڊاڪٽر فاروق ستار

ڪراچي: 2 آگسٽ 2016 

                  ايم ڪيو ايم رابطا ڪميٽي جي سينيئر ڊپٽي ڪنوينر  ڊاڪٽر فاروق ستار چيو آهي ته جن تڪليفن مان گذري ڪري اسان جي ابن ڏاڏن پاڪستان بڻايو هو، ڪراچي يونيورسٽي جي انتظاميه جي ڪري اڄ اهڙي طرح ئي مهاجر شاگردن کي به مهاجر ثقافتي ميلي جو انعقاد ڪرڻو پيو. انهن خيالن جو اظهار انهن ڪراچي يونيورسٽي ۾ اي پي ايم ايس او جي طرفان مظاهري کي خطاب ڪندي ڪيو. اهو مظاهرو مهاجر ثقافتي ميلي جي اجازت نه ڏيڻ جي خلاف ڪيو ويو هو . ڊاڪٽر فاروق ستار مظاهري کي خطاب ڪندي چيو ته مهاجر ثقافتي ميلي جي انعقاد تي ڪنهن جي دٻاءُ ۾ اچي ڪري ڪراچي يونيورسٽي جي انتظاميه جي طرفان متعصبانه ڪاروائين مان صاف ظاهر ٿئي ٿو ته مهاجرن کي ڀت سان لڳائڻ جي ڀرپور ڪوشش ڪئي پئي وڃي. ان موقعي تي مظاهري کي خطاب ڪندي سابق حق پرست وفاقي وزير ڊاڪٽر عامر لياقت حسين چيو ته اسان جي ابن ڏاڏن پاڪستان بڻائڻ جي لاءِ ڪنهن کان به اجازت نه ورتي هئي ته پوءِ اسان کي مهاجر ثقافتي ميلي جي انعقاد جي لاءِ ڪنهن کان به اجازت وٺڻ جي ڪائي گهرج نه آهي. انهن چيو ته مهاجر ثقافتي ميلي جي انعقاد تي ٿيندڙ متعصبانه رويي مان هڪ ڳالھھ واضع ٿي چڪي آهي ته مهاجر ثقافت کان تمام گهڻا ماڻهو خوفزده آهن. ان کان پوءِ مشاعري جو انعقاد به ڪيو ويو.