حيدرآباد ۾ 10 سالن جي ٻار حماد جي اغوا ۾ ملوث رينجر اهلڪار کي گرفتار نه ڪرڻ جي مان سخت ترين لفظن ۾ مذمت ڪريان ٿو. ڊاڪٽر سليم دانش
لنڊن: 24 جولائي 2016
ايم ڪيو ايم رابطا ڪميٽي جي ميمبر ڊاڪٽر سليم دانش حيدرآباد ۾ 10 سالن جي ٻار حماد جي اغوا ۾ ملوث رينجر جي اهلڪار کي گرفتار نه ڪرڻ جي سخت ترين لفظن ۾ مذمت ڪئي آهي. پنهنجي هڪ بيان ۾ انهن چيو ته حيدرآباد حالي روڊ کان 10 سالن جي ٻار حماد کي اغوا ڪرڻ جي ڪوشش ڪندي رينجر اهلڪار کي ماڻهن پڪڙي پوليس جي حوالي ڪيو ۽ ٿاڻي ۾ انهن پنهنجو نالو طاهر محمود ۽ پنهنجي پاڻ کي رينجر جو اهلڪار ظاهر ڪيو ۽ ثبوت جي طور تي رينجر جو شناختي ڪارڊ به ڏيکاريو پر ٻار جي والدين ۽ پاڙي وارن جي مطالبي جي باوجود پوليس مذڪوره اهلڪار جي خلاف ڪيس داخل ڪرڻ کان انڪار ڪري ڇڏيو ۽ صرف روزنامچي ۾ انهن جو اندراج ڪري رينجر جي مقامي ڪمانڊر کي انهن جي اطلاع ڏيئي ڇڏي ۽ ڪجھھ دير کان پوءِ ئي رينجر جون ٻه موبائيلون ٿاڻي ۾ پهتيون ۽ انهن کي پاڻ سان گڏ وٺي ويون. ڊاڪٽر سليم دانش چيو ته ان واقعي جي جيتري به مذمت ڪئي وڃي اها گهٽ آهي. انهن چيو ته رينجر جا اهلڪار غير قانوني هائيڊرينٽس، شادي هالن ۽ زمينن جي غير قانوني خريد و فروخت سان گڏو گڏ معصوم ٻارن جي اغوا جهڙن ڏوهن ۾ ملوث ٿي ڪري امير کان امير تر ٿيندا پيا وڃن. انهن عوام کي اپيل ڪئي ته اهي وردي جي آڙ وٺي ڪري غير قانوني ڪمن ۾ ملوث ٽولن کي مقدس ڳئون سمجهڻ ڇڏي ڏين ۽ پنهنجي تحفظ جي لاءِ ڏوهن ۾ ملوث ٽولن جي احتساب جي لاءِ گڏ ٿي وڃن.
*****