ايم ڪيو ايم لانڍي ٽائون جي ڪارڪن رياض الحق جي ماورائي عدالت قتل ۽ ايم ڪيو ايم جي بي ڏوهي ڪارڪنن جي گرفتارين جي خلاف نوشهرو فيروز زون جي طرفان ريلي جو انعقاد
نوشهرو فيروز: 16 جولائي 2016
ايم ڪيو ايم نوشهرو فيروز زون جي تحت لانڍي جي ڪارڪن رياض الحق جي ماورائي عدالت قتل سميت ايم ڪيو ايم جي بي ڏوهي ڪارڪنن جي گرفتارين جي خلاف نوشهرو فيروز ۾ هڪ ريلي ڪڍي وئي جيڪا پريس ڪلب تي اختتام پذير ٿي. ريلي ۾ سنڌ تنظيمي ڪميٽي جي ميمبر اصغر ، زونل انچارج محمد سليم راجپوت ۽ ڪميٽي ميمبرن کان علاوه ڪارڪنن وڏي تعداد ۾ شرڪت ڪئي.ريلي جي شرڪاء پنهنجن هٿن ۾ پلي ڪارڊ کنيا هئا. جن تي بي گناھ ڪارڪنن جي گرفتاري جو سلسلو بند ڪرڻ ۽ جناب الطاف حسين زنده باد جا نعرا به درج هئا. ان موقعي تي ريلي کي خطاب ڪندي سنڌ تنظيمي ڪميٽي جي ميمبر اصغر چيو ته ايم ڪيو ايم جي ڪارڪنن جي گرفتارين جو سلسلو فوري طور تي بند ڪيو وڃي ۽ ملڪ ۾ آئين ۽ قانون جي عملداري ڪٿي به نظر نه ٿي اچي. انهن چيو ته ايم ڪيو ايم جي ڪارڪنن جون وفاداريون تبديل ڪرڻ جي لاءِ انهن تي دٻاءُ وڌو پيو وڃي. جنهن جي جيتري به مذمت ڪئي وڃي اها گهٽ آهي.مظاهري کي زونل انچارج ۽ ٻين به خطاب ڪيو.
*****