ماءُ هڪ اها عظيم هستي آهي جنهن کي عزت ۽ احترام ڏيڻ کان سواءِ هي سماج مهذب ۽ ترقي يافته بڻجي نه ٿو سگهي.قائد تحريڪ جناب الطاف حسين
لنڊن: 8 مئي 2016
متحده قومي موومينٽ جي قائد جناب الطاف حسين فرمايو آهي ته ماءُ کي عظمت ۽ احترام جو درجو ڏيئي ڪري ئي دنيا ۽ آخرت جون سچيون خوشيون حاصل ڪري سگهجن ٿيون. ۽ ماءُ هڪ اها عظيم هستي آهي جنهن کي عزت ۽ احترام ڏيڻ کان سواءِ سماج ترقي يافته ۽ باشعور بڻجي نه ٿو سگهي. امڙين جي عالمي ڏينهن جي موقعي تي پنهنجي هڪ خصوصي پيغام ۾ جناب الطاف حسين فرمايو ته ماءُ جي هنج ٻار جي لاءِ پهرين درسگاھ هوندي آهي ۽ ماءُ صرف ٻار جي نه بلڪه پوري نسل جي پرورش ڪري ٿي. انهن فرمايو ته منهنجي بهادر والده محترمه خورشيد بيگم مرحومه به مون کي هميشه حق ۽ سچ جي تلقين ڪئي ۽ حق پرستي جي رستي ۾ ايندڙ مشڪلاتن جو ڄمي ڪري مقابلو ڪرڻ جو حوصلو ڏنو ۽ اڄ مان جيڪو ڪجھھ به آهيان اهو منهنجي پياري امڙ جي بهترين تعليم ۽ تربيت جو ئي نتيجو آهي. جناب الطاف حسين امڙين جي عالمي جي ڏينهن جي موقعي تي پاڪستان سميت سڄي دنيا ۾ مقيم امڙين کي دلي مبارڪباد به پيش ڪئي ۽ امڙين جي عظمت کي زبردست سلام تحسين به پيش ڪيو.
*****