حيدرآباد زون آفيس، عهديدارن ۽ ڪارڪنن جي گهرن تي ڇاپن ۽ گرفتارين ۽ امڙين جي بي حرمتي جي خلاف ايم ڪيو ايم حيدرآباد، ٽنڊو الهيار، ميرپورخاص، نواب شاھ ۽ سانگهڙ زون جي زير اهتمام پريس ڪلبن تي احتجاجي مظاهرا ڪيا ويا
حيدرآباد: 15 مئي 2016
متحده قومي موومينٽ حيدرآباد ، ٽنڊو الهيار، سکر، نواب شاھ ، ميرپورخاص ۽ سانگهڙ زون جي زير اهتمام حيدرآباد ۾ ڇاپن، گرفتارين ۽ امڙين جي بي حرمتي ڪرڻ جي خلاف پريس ڪلبن تي مظاهرا ڪيا ويا. انهن مظاهرن ۾ ايم ڪيو ايم رابطا ڪميٽي جي ميمبرن محفوظ يار خان، گلفراز خان خٽڪ، اسيمبلي ميمبرن، زونل انچارجن، عهديدارن ۽ ڪارڪنن وڏي تعداد ۾ شرڪت ڪئي. ان موقعي تي خطاب ڪندي رابطا ڪميٽي ميمبرن محفوط يار خان ۽ گلفراز خان خٽڪ چيو ته سرڪاري سرپرستي ۾ ضمير فروش ٽولي جي غنڊن گذريل ڏينهن حيدرآباد جي زونل آفيس تي حملو ڪيو ۽ فائرنگ به ڪئي. ۽ يونٽ کي به باھ ڏيئي ڪري ساڙي ڇڏيو. پر انهن ڏوهاري ماڻهن جي خلاف ڪاروائي ڪرڻ جي بجاءِ رينجر ابتڙ ايم ڪيو ايم جي عهديدارن ۽ ڪارڪنن کي گرفتار ڪري ورتو ۽ ڇاپن جي دوران عورتن سان بدتميزي به ڪئي. انهن وزير اعظم ميان نواز شريف ۽ آرمي چيف جنرل راحيل شريف ۽ ڪور ڪمانڊر ڪراچي جنرل نويد مختيار کان مطالبو ڪيو ته اهي حيدرآباد زون آفيس، عهديدارن ۽ ڪارڪنن جي گهرن تي ڇاپن ۽ بي ڏوهي گرفتارين جو سلسلو بند ڪرائين ۽ ايم ڪيو ايم جي عهديدارن ۽ ڪارڪنن کي فوري طور تي آزاد ڪرائين.
*****