ايم ڪيو ايم حيدرآباد سيڪٽر جي جي جوائنٽ سيڪٽر انچارج عمران بشير کي ساده لباس ۾ ملبوس اهلڪارن لطيف آباد کان گرفتار ڪري ورتو.ايم ڪيو ايم رابطا ڪميٽي
حيدرآباد: 14 اپريل 2016
متحده قومي موومينٽ جي رابطا ڪميٽي ايم ڪيو ايم حيدرآباد سيڪٽر جي جوائنٽ سيڪٽر انچارج عمران بشير جي گرفتاري جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته عمران بشير هڪ شريف انسان آهن ۽ انهن جي خلاف ڪوئي به ڪيس نه آهي ۽ اهي هڪ سياسي ڪارڪن جي حيثيت سان پنهنجيون ذميواريون انجام ڏيئي رهيا هئا ته اڄ صبح ساده لباس ۾ ملبوس اهلڪارن انهن کي لطيف آباد مان گرفتار ڪري ورتو. رابطا ڪميٽي چيو ته روزانو ئي ايم ڪيو ايم جي ذميوارن ۽ ڪارڪنن کي گرفتار ڪيو پيو وڃي، ان مان صاف ظاهر آهي ته آپريشن صرف ۽ صرف ايم ڪيو ايم جي خلاف ٿي رهيو آهي ۽ حيدرآباد ۾ به ذميوارن ۽ ڪارڪنن جون گرفتاريون شروع ٿي ويون آهن. رابطا ڪميٽي مطالبو ڪيو ته عمران بشير کي فوري طور تي آزاد ڪيو وڃي ۽ ايم ڪيو ايم جي ڪارڪنن ۽ ذميوارن جي گرفتارين جو سلسلو بند ڪيو وڃي.
*****