ايم ڪيو ايم رابطا ڪميٽي جي سينيئر ڊپٽي ڪنوينر ڊاڪٽر فاروق ستار جي ايم ڊي واٽر بورڊ سان ملاقات

ڪراچي: 13 اپريل 2016 

                  متحده قومي موومينٽ جي رابطا ڪميٽي جي سينيئر ڊپٽي ڪنوينر ڊاڪٽر فاروق ستار واٽر بورڊ جي ايم ڊي مصباح الدين سان ملاقات ڪئي ۽ انهن کي ڪراچي جي مختلف علائقن ۾ پاڻي جي سخت بحران کان آگاھ ڪيو.  ان موقعي تي حق پرست اسيمبلي ميمبر مزمل قريشي، آصف حسنين، خالد افتخار ، ريحان ظفر، سيف الدين خالد، نديم راضي ۽ شازيه جاويد به موجود هيون. ملاقات ۾ اورنگي ٽائون ۽ پاڪ ڪالوني ۾ حب رويو کان پاڻي جي عدم فراهمي ۽ سائيٽ ايريا، ناظم آباد، گلبهار، اولڊ سٽي ايريا، نارٿ ڪراچي، نئي ڪراچي، گلستان جوهر ، گلشن اقبال، لانڍي، شاھ فيصل ڪالوني، ڪورنگي ۽ ملير سميت ٻين علائقن ۾ پاڻي جي غير منصفانه ورهاست ۽ والو آپريشن سميت ٻين مسئلن تي به خيالن جي ڏي وٽ ڪئي وئي. ڊاڪٽر فاروق ستار چيو ته سخت گرمي اچڻ واري آهي ۽ شهر ۾ پاڻي جي به سخت ڪمي آهي. جنهن جي ڪري هاڻي کان ئي ماڻهن کي سخت تڪليف کي منھھ ڏيڻو پئجي رهيو آهي . انهن چيو ته واٽر بورڊ تي ٿوپيل سنڌ حڪومت جي پاليسين جي باري ۾ سنڌ حڪومت سان ڳالھھ ڪئي ويندي ۽ شهر ۾ پاڻي جي بحران جي خاتمي جي لاءِ ايم ڪيو ايم هر سطح تي آواز به اٿاريندي. ان موقعي تي ايم ڊي واٽر بورڊ  ڊاڪٽر فاروق ستار کي پاڻي جي قلت ۽ غير منصفانه ورهاست ۽ والو آپريشن جي مسئلن جي باري ۾ حل جي خاطري به ڪرائي. 

*****