سانحه پشاور جي شهيدن کي خراج عقيدت پيش ڪرڻ ،شهيدن جي پونئرن ۽ پاڪ فوج سان يڪجهتي جي اظهار جي لاءِ ايم ڪيو ايم جي زيراهتمام لنڊن ۾ ٽريفلگر اسڪوائر تي هڪ يادگاري تقريب منعقد ڪئي وئي.
تقريب ۾ سوين نوجوانن ۽ بزرگن سان گڏو گڏ عورتن ۽ ٻارن جي به شرڪت.
لنڊن؛ 22 ڊسمبر 2014
پشاور ۾ طالبان دهشت گردن جي هٿان شهيد ٿيندڙ آرمي پبلڪ اسڪول جي معصوم شاگردن، استادن ۽ اسٽاف کي خراج عقيدت پيش ڪرڻ ۽ شهيدن جي پونئرن ۽ پاڪ فوج سان يڪجهتي جي اظهار جي لاءِ ايم ڪيو ايم جي زير اهتمام لنڊن جي تفريحي مقام ٽريفلگر اسڪوائر تي هڪ يادگاري تقريب منعقد ڪئي وئي.تقريب ۾ سوين ماڻهن شرڪت ڪئي.جن ۾ نوجوانن ۽ بزرگن سان گڏو گڏ ٻارن جي به وڏي تعداد شامل هئي.ان موقعي تي سانحه پشاور جي شهيدن کي خراج عقيدت پيش ڪرڻ جي لاءِ ميڻ بتيون روشن ڪيون ويون ۽ شهيدن جي پونئرن سان مڪمل يڪجهتي ۽ همدردي جو اظهار ڪيو ويو. ان تقريب ۾ ايم ڪيو ايم رابطا ڪميٽي جي ميمبرن ۽ عهديدارن سان گڏو گڏ يورپيئن پارليامينٽ جي ميمبر ۽ يورپي پارليامينٽ جي فارن افيئرز ڪميٽي جي چيئرمين امجد بشير، ٿرڊ ورلڊ ساليڊيريٽي جي چيئرمين مشتاق لاشاري ، فورم فار انٽرنيشنل ڊولپمينٽ جي چيئرمين طحٰه قريشي ۽ ٻين معزز شخصيتن شرڪت ڪئي.ان تقريب ۾ لنڊن ۽ ٻين شهرن سان تعلق رکڻ وارن پاڪستانين وڏي تعداد ۾ شرڪت ڪئي.ان موقعي تي سانحه پشاور جي شهيدن جي لاءِ حافظ مسرور جي امامت ۾ غائبانه جنازي ادا ڪئي وئي ۽ شهيدن جي لاءِ فاتحه خواني به ڪئي وئي.تقريب ۾ هڪ وڏو بينر تمام شرڪاء جي توجه جو مرڪز هو جنهن ۾ سانحه پشاور جي شهيدن جون تصويرون لڳل هيون.ان کان علاوه شرڪاء پنهنجن هٿن ۾ پلي ڪارڊ کنيا هئا جن تي طالبان جي دهشت گردي جي سخت ترين لفظن ۾ مذمت ڪئي وئي هئي.تقريب جي اختتام تي سانحه پشاور جي شهيدن جي بلند درجات، پاڪستان کان دهشت گردي جي خاتمي، پاڪستان جي سلامتي ۽ استحڪام ۽ ترقي و خوشحالي جي لاءِ دعا ڪئي وئي.