ايم ڪيو ايم خيبرپختونخواھ ۽ فاٽا جي نئين صدر بيرسٽر محمد علي سيف ۽ پنجاب جي نئين صدر ميان عتيق بيگ جي صدر بڻجڻ جي اعلان کان پوءِ ايم ڪيو ايم جي مرڪز نائن زيرو ۽ انٽرنيشنل سيڪريٽريٽ لنڊن ۾ مبارڪباد جي فون ڪالن جي لانڊ ٻڌجي وئي.
لنڊن؛5 آڪٽوبر2014
ايم ڪيو ايم خيبرپختونخواھ ۽ فاٽا جي صدر بيرسٽر محمد علي سيف ۽ پنجاب جي نئين صدر ميان عتيق بيگ جي صدر بڻجڻ جي اعلان کان پوءِ ايم ڪيو ايم پاڪستان جي مرڪز نائن زيرو ۽ انٽرنيشنل سيڪريٽريٽ لنڊن ۾ مبارڪباد جي فونن جي لانڍ ٻڌجي وئي. پاڪستان سان تعلق رکڻ وارين مختلف سياسي، مذهبي ، سماجي ، انساني حقن ۽ سول سوسائٽي سان تعلق رکڻ وارن ليڊرن ۽ ڪارڪنن ايم ڪيو ايم جي ان اعلان جو زبردست خير مقدم ڪيو آهي. اهي ٻئي صدرَ جڏهن پنهنجن علائقن خيبرپختونخواھ ۽ راولپنڊي پهتا ته انهن سان ملاقات ڪندڙن جي لائين لڳي وئي، خصوصن ايم ڪيو ايم جا سينيئرڪارڪنَ جيڪي هڪ ڪارڪن جي حيثيت سان گمنامي ۾ رهندي تحريڪي ڪمن کي جاري رکيون ويٺا هئا انهن به مٽايون ورهايون. واضع رهي ته جلد ئي ٻئي رهنما پنهنجن پنهنجن صوبن ۾ تنظيم نو سان گڏو گڏ يونٽ ۽ نئين ميمبر شپ جي پروگرام جي شيڊول جو اعلان به جلد ئي ڪندا.