ایم کیوایم کے کارکنوں سے رابطوں اور مشاورت کیلئے تین رکنی ایڈوائزری کونسل قائم کردی گئی
ایڈوائزری کونسل بزرگ کارکن آفتاب بقائی، بزرگ دانشور مومن خان مومن اورسابق رکن اسمبلی نثار پہنور پر مشتمل ہوگی
آفتاب بقائی ایڈوائزری کونسل کے انچارج ہوں گے
کنوینرمصطفےٰ عزیزآبادی کی زیرصدارت رابطہ کمیٹی کے اجلاس میں فیصلہ
ایم کیوایم کے بانی وقائدجناب الطاف حسین نے ایڈوائزری کونسل کے قیام کے فیصلے کی توثیق کی
لندن…25 مئی 2023ء
متحدہ قومی موومنٹ کے کارکنوں سے رابطوں اور مشاورت کے لئے ایم کیوایم کی ایک ایڈوائزری کونسل قائم کی گئی ہے ۔ کونسل تین ارکان پر مشتمل ہوگی جس میںتحریک کے بزرگ کارکن آفتاب بقائی، بزرگ دانشور مومن خان مومن اورسابق رکن اسمبلی نثارپہنور شامل ہیں۔
آفتاب بقائی اس ایڈوائزری کونسل کے انچارج ہوں گے۔ایڈوائزری کونسل کے قیام کافیصلہ کنوینرمصطفےٰ عزیزآبادی کی زیرصدارت رابطہ کمیٹی کے ایک اجلاس میں کیاگیا۔ ایم کیوایم کے بانی وقائدجناب الطاف حسین نے ایڈوائزری کونسل کے قیام کے فیصلے کی توثیق کی۔ ایڈوائزری کونسل تحریک کے کارکنوںاورمختلف شعبہ ہائے زندگی سے تعلق رکھنے والے ہمدردوں سے رابطے کرے گی۔ جوتحریکی کارکن بانی و قائد تحریک جناب الطاف حسین کی فلاسفی سے متفق ہوں اور تحریک کے کاز سے مخلص ہوںوہ اس ایڈوائزری کونسل کے ارکان سے رابطہ کرسکتے ہیں۔ ایڈوائزری کونسل میں مزید ارکان کوبھی بعد میں شامل کیا جائے گا۔
٭٭٭٭٭