جبر کرنے والوں کے نام
(قائدتحریک الطا ف حسین کی 60ویں سالگر ہ پر)

(بطرز۔۔۔غم دل کو ان آنکھوں سے چھلک جانابھی آتاہے)

لہو کو اشک کی صورت چھلک جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

وفا کی راہ میں جو زندگی ہم نے گزاری ہے
ہمیں وہ زندگی دنیا کی دولت سے بھی پیاری ہے
بڑھے گا یہ جنوں جتنا وہ ہم پر ظلم ڈھائیں گے
وہ ہم کو آزمائیں گے ہم ان کو آزمائیں گے
ہمیں شبنم سے آخر شعلہ بن جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

وہ اپنے ہاتھ سے اپنے ہی گلشن کو جلالینا
وہ گھر کو چھوڑ دینا اور بیاباں میں پناہ لینا
وہ آگ اور خون کے دریا وہ ماہ و سال وحشت کے
بھلاسکتا ہے کیسے کوئی وہ آلام ہجرت کے
ہمیں گزری ہوئی باتوں کو دہرانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

ہمیں آتا نہیں راہِ وفا میں سرنگوں ہونا
ہمیں تسلیم ہے اپنی تمناؤں کا خوں ہونا
ہم اس تصویر میں اپنے لہو سے رنگ بھر دیں گے
’’یہ دل کیا چیز ہے ہم جان بھی قربان کردیں گے‘‘
ہمیں اس راہ میں جاں سے گزر جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

کوئی اہلِ ستم کو جاکے اب یہ بات سمجھائے
کئی آئے ستمگر پر ہمیں نہ ختم کر پائے
ہو چاہے جبر جتنا عہد کو ہر گز نہ توڑیں گے
ہم اپنے ہاتھ سے اس پرچمِ حق کو نہ چھوڑیں گے
وفا کی راہ میں پھر ہم کو ڈٹ جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

یقیں ہے ایک دن اس شہر میں وہ دن بھی آئے گا
ہر اک محروم اپنے حصہ کی خوشیوں کو پائے گا
وہ قائد شان سے اپنے وطن میں پھر سے آئے گا
وہ اس اجڑے ہوئے گلشن کو یوں پھر سے سجائے گا
بتادے گا کہ ہم کو قوم بن جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

لہو کو اشک کی صورت چھلک جانا بھی آتا ہے
’’تڑپنا بھی ہمیں آتا ہے تڑپانا بھی آتا ہے‘‘

مصطفےٰؔ عزیزآبادی
17ستمبر2013ء

کشمیرسے فوج واپس بلائی جائے، جوائنٹ عوامی ایکشن کمیٹی پر عائد پابندی ... 07 Jun 2026	کشمیرصرف کشمیری عوام کا ہے، کشمیری عوام کو ان کے حقوق اورحق حاکمیت س... 06 Jun 2026
گلگت بلتستان کی محرومیاں ختم کی جائیں، گلگت بلتستان کے وسائل پر وہا... 06 Jun 2026	اگرگلگت بلتستان کے الیکشن کے نتائج 8 فروری 2024ء کی طرح آئے تو ناان... 05 Jun 2026
ایم کیوایم کینیڈاکی سینٹرل آرگنائزنگ کمیٹی کی تشکیل نو: چھ رکنی آرگ... 04 Jun 2026	لندن میں اے پی ایم ایس او کا48 واں یوم تاسیس تنظیمی جوش وخروش سے منایا... 03 Jun 2026
سرفراز صدیقی کواے پی ایم ایس او کاچیئرمین مقررکردیا گیا ... 03 Jun 2026	ایم کیوایم کی رابطہ کمیٹی میں پانچ نئے اراکین کوشامل کرلیاگیا ... 02 Jun 2026
پاکستان کو انقلاب کی ضرورت ہے۔ الطاف حسین ... 01 Jun 2026	پاکستان کی جیوپولیٹکل سچویشن خطرے میں ہے. ملک میں موجود سیاسی بے چینی ... 31 May 2026