حقيقي جي دهشت گردن جي طرفان لانڍي ۾ ايم ڪيو ايم جي ڪارڪنن ۽ حق پرست يوسي چيئرمين جي گهرن تي فائرنگ ۽ انهن جي ڪارخانن ۾ اسٽاف کي ڌمڪيون ڏيڻ تي ايم ڪيو ايم رابطا ڪميٽي جي طرفان مذمت جو اظهار

ڪراچي: 13 اپريل 2016 

                    متحده قومي موومينٽ جي رابطا ڪميٽي حقيقي جي دهشت گردن جي طرفان لانڍي ۾ ايم ڪيو ايم جي ڪارڪنن ۽ يوسي 9  زمان آباد جي حق پرست چيئرمين جي گهرن ۽ انهن جي ڪارخانن ۾ اسٽاف کي ڌمڪيون ڏيڻ جي سخت ترين لفظن ۾ مذمت ڪئي آهي. رابطا ڪميٽي چيو ته هڪ طرف ته حقيقي جي دهشت گردن کي سرڪاري سرپرستي ۾ کليل غنڊه گردي جي اجازت ڏني وئي آهي ۽ ٻئي طرف ايم ڪيو ايم جي ڪارڪنن جي گهرن تي ڇاپا هنيا پيا وڃن ۽ انهن کي ڪوڙن ڪيسن ۾ ڦاسايو پيو وڃي جنهن جي جيتري به مذمت ڪئي وڃي اها گهٽ آهي. رابطاڪميٽي چيو ته ايم ڪيو ايم جي ڪارڪنن کي اهڙن هٿڪنڊن سان نه ته ماضي ۾ خوف زده ڪري سگهيو ويو ۽ نه ئي اڄ ڪري سگهجي ٿو. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي حقيقي جي دهشت گردن جي طرفان لانڍي ۾ ايم ڪيو ايم جي ڪارڪنن جي گهرن تي فائرنگ ۽ انهن جي ڪارخانن ۾ اسٽاف کي ڌمڪيون ڏيڻ جو سختي سان نوٽس وٺن ۽ حقيقي جي دهشت گردن کي سرڪاري سرپرستي ختم ڪرائي انهن کي قانون جي مطابق سخت ترين سزا ڏني وڃي.

*****