Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کراچی کے قرب وجوار سے بلوچستان کے لاپتہ بلوچ افراد کی لاشیں ملنے پر رابطہ کمیٹی کااظہار تشویش


کراچی کے قرب وجوار سے بلوچستان کے لاپتہ بلوچ افراد کی لاشیں ملنے پر رابطہ کمیٹی کااظہار تشویش
 Posted on: 8/20/2013
کراچی کے قرب وجوار سے بلوچستان کے لاپتہ بلوچ افراد کی لاشیں ملنے پر رابطہ کمیٹی کااظہار تشویش
وزیراعظم اوروزیرداخلہ کراچی سے لاپتہ بلوچ افراد کی لاشوں کی صورت میں برآمدگی کی فی الفور تحقیقات کرائیں، ایم کیوایم رابطہ کمیٹی
قوم کوآگاہ کیاجائے کہ اس مذموم عمل کے پس پشت کونسے مقاصد کارفرما ہیں
حکومت، بلوچ عوام کے ساتھ کی جانے والی ناانصافیوں اورمحرومیوں کے سلسلہ کو بند کرائے
لندن۔۔۔20، اگست2013ء
متحدہ قومی موومنٹ لندن کی رابطہ کمیٹی نے بلوچستان سے لاپتہ ہونے والے بلوچ نوجوانوں کی فہرست میں شامل افراد کی لاشیں کراچی کے قرب وجوار سے ملنے پر شدید تشویش کااظہار کیا ہے ۔ ایک بیان میں رابطہ کمیٹی نے کہاکہ سپریم کورٹ کی جانب سے لاپتہ افراد کی بازیابی کیلئے جوفہرستیں سابقہ اور موجودہ حکومت کو دی گئی تھیں ان بلوچ افرا د کی مسخ شدہ لاشوں کاکراچی کے قرب وجوار کے علاقوں سے ملنانہ صرف تشویشناک ہے بلکہ ملک بھر کے محب وطن عوام کیلئے لمحہ فکریہ بھی ہے ۔ ملک بھر کے عوام یہ سوچنے میں قطعی حق بجانب ہیں کہ لاپتہ بلوچ افراد کالاشوں کی صورت میں کراچی اور اس کے قرب وجوار کے علاقوں سے ملنے کے پیچھے خفیہ ہاتھوں کے کیا پوشیدہ ، گھناؤنے اورمذموم مقاصد ہیں۔ رابطہ کمیٹی نے وزیراعظم پاکستان میاں محمد نوازشریف اور وفاقی وزیرداخلہ چوہدری نثارعلی خان سے مطالبہ کیا کہ وہ بلوچستان سے لاپتہ ہونے والے افراد کی کراچی اور اس کے قرب وجوار سے لاشوں کی صورت میں برآمدگی کی فی الفور تحقیقات کرائیں اور قوم کوآگاہ کیاجائے کہ اس مذموم عمل کے پس پشت کونسے مقاصد کارفرما ہیں۔ رابطہ کمیٹی نے لاپتہ افراد کی فہرست میں شامل بلوچ افراد کے بہیمانہ قتل کی سخت ترین الفاظ میں مذمت کرتے ہوئے کہاکہ حکومت، بلوچ عوام کے ساتھ کی جانے والی ناانصافیوں اورمحرومیوں کے سلسلہ کو بند کرائے ، مظلوم بلوچوں کے زخموں پر مرہم رکھا جائے اور بلوچ عوام کے قتل میں ملوث بااثر خفیہ ہاتھ سے نہ صرف قوم کو آگاہ کیا جائے بلکہ ایسے عناصر کے خلاف آئینی اور قانونی کارروائی بھی کی جائے ۔
6/22/2026 5:37:07 PM