پولیس گن مین عابد اورانکے دوست کے جاں بحق ہونے کے واقعہ پر ایم کیوایم کی ڈپٹی کنوینر نسرین جلیل کا اظہار مذمت

کراچی ۔۔۔ 4 اپریل 2016ء

متحدہ قومی موومنٹ کی رابطہ کمیٹی کی ڈپٹی کنوینر نسرین جلیل نے ناگن چورنگی کے علاقے میں مسلح افرادکی فائرنگ سے اپنے پولیس گن مین عابد اوران کے دوست عتیق کے جاں بحق ہونے کے واقعہ کی شدیدمذمت کی ہے ۔ اپنے ایک بیان میں محترمہ نسرین جلیل نے کہاکہ یہ واقعہ میرے لئے ذاتی طورپرنہایت دکھ اورصدمے کاباعث ہے جس میں میرے پولیس گن عابدبھی جاں بحق ہوئے جونہایت ذمہ داری اورفرض شناسی سے اپنے فرائض انجام دے رہے تھے ۔ کہ مسلح دہشت گردوں نے انہیں فائرنگ کرکے شہید کردیا۔ محترمہ نسرین جلیل نے حکومت سے مطالبہ کیاکہ واقعہ کی تحقیقات کرائی جائے اوراس میں ملوث افرادکوگرفتارکیاجائے ۔ انہوں نے اپنے پولیس گن مین عابد اوران کے دوست عتیق کے لواحقین سے دلی تعزیت اورہمدردی کااظہارکیااوردعاکی کہ اللہ تعالیٰ ان کی مغفرت فرمائے اورانہیں جنت الفردوس میں جگہ دے ۔