وزیراعظم 24گھنٹے کے اندر ٹی وی اور ریڈیو پر آکر قوم سے خطاب کریں ، الطاف حسین

Posted on: 1/21/2014

قوم سے خطاب میں دہشت گردوں کے خلاف واضح اور ٹھوس حکومتی لائحہ عمل اوراقدامات سے آگاہ کریں
دہشت گردوں کے خلاف ٹھوس اورعملی اقدام کا اعلان نہیں کیا گیا تو طالبان پورے ملک پر قابض ہوجائیں گے
قبضہ کے بعدطالبان اپنی خودساختہ شریعت نافذ کرکے عوام کواس پر بیعت کرنے پر مجبورکردیں گے
پاکستان پر قبضہ کے بعدطالبان، قائد اعظم محمد علی جناح ؒ اور علامہ اقبال ؒ کے مزارات کو بھی بموں سے اڑا دیں گے
حق پرست کارکنان وعوام سانحہ مستونگ کے شہداء کیلئے تین روزہ سوگ میں بھرپورشرکت کریں
قائد ایم کیوایم الطاف حسین کا مستونگ میں زائرین کی بس پر بم دھماکہ پر اظہار مذمت
لندن۔۔۔21،جنوری 2014ء
متحدہ قومی موومنٹ کے قائد جناب الطاف حسین نے صوبہ بلوچستان کے شہرمستونگ میں زائرین سے بھری بس پر بم دھماکے کی شدید الفاظ میں مذمت کی ہے اوربم دھماکہ کے نتیجے میں جاں بحق ہونے والے زائرین کے ایصا ل ثواب کیلئے دعاکرتے ہوئے سوگوارلواحقین سے دلی تعزیت کااظہارکیاہے اور زخمیوں کی جلد صحت یابی کی دعا کی ہے ۔ ایک بیان میں جناب الطاف حسین نے کہاکہ طالبان اور ان کی حلیف دہشت گرد جماعتیں کئی دنوں سے بلاناغہ ملک بھرمیں دھماکے کررہی ہیں جن میں پولیس اورفوج کے جوان اور افسران بھی شہید ہورہے ہیں اور معصوم بچے، بچیوں سمیت عام شہری بھی دہشت گردی کا نشانہ بنائے جارہے ہیں لیکن افسوس صد افسوس کہ وفاقی حکومت ،دہشت گردوں سے نمٹنے کیلئے کسی ٹھوس لائحہ عمل کا اعلان نہیں کررہی ہے۔ جناب الطاف حسین نے کہاکہ وزیراعظم پاکستان میاں محمد نواز شریف اور ان کے رفقائے کارصرف مذمتی بیانات جاری کرکے اپنی ذمہ داری کا ٹوٹل پورا کررہے ہیں۔ جناب الطاف حسین نے وزیراعظم پاکستان میاں محمد نواز شریف سے پرزور مطالبہ کیا کہ وہ 24گھنٹے کے اندر ٹی وی اور ریڈیو پر آکر قوم سے خطاب کریں اور دہشت گردوں کے خلاف واضح اور ٹھوس حکومتی لائحہ عمل اوراقدامات سے قوم کو آگاہ کریں۔انہوں نے کہاکہ آج پوری قوم وزیراعظم کے خطاب کا بے چینی سے انتظارکررہی ہے، اگر موجودہ حکومت نے دہشت گردی اور دہشت گردوں کے خلاف کوئی واضح اورٹھوس عملی اقدام اٹھانے کا اعلان نہیں کیا تواس بات کا قوی امکان ہے کہ طالبان،پاکستان پر اپنے غیراعلانیہ قبضے کو جلد ہی اعلانیہ قبضہ میں تبدیل کرکے پورے ملک پر قابض ہوجائیں گے جس کے بعد طالبان اپنی خودساختہ شریعت کوملک میں نافذ کرکے عوام کواس خودساختہ شریعت پر بیعت کرنے پر مجبورکردیں گے اوراسے نہ ماننے والوں کا کھلا قتل عام شروع کردیں گے جبکہ قوم کی ماں ، بہن اور بیٹیوں کو زبردستی کنیزیں بنالیاجائے گااورمردوں کو دوسرے اور تیسرے درجے کا غلام بنالیاجائے گا۔
جناب الطا ف حسین نے کہاکہ پاکستان پر قبضہ کے بعدطالبان، قائد اعظم محمد علی جناح ؒ اور علامہ اقبال ؒ کے مزارات کو بھی بموں سے اڑا کر پاکستان بنانے والوں کی ہرنشانی کو مٹادیں گے ۔ جناب الطاف حسین نے سانحہ مستونگ کے خلاف سوگوارتنظیموں کی جانب سے تین روزہ سوگ کی حمایت کااعلان کرتے ہوئے انہیں یقین دلایا کہ حق پرست کارکنان وعوام سانحہ مستونگ کے شہداء کیلئے تین روزہ سوگ میں بھرپورشرکت کریں گے ۔

6/22/2026 3:30:49 PM

ایم کیوایم کے خلاف 1992ء کے فوجی آپریشن کے دوران ڈھائے گئے بھیانک مظ... 22 Jun 2026	اگر 1992ء میں پورے ملک سے ایم کیوایم کے خلاف فوجی آپریشن کے خلاف آواز... 21 Jun 2026
19 جون 1992ء کادن ایم کیوایم کے لئے یوم سیاہ ہے……الطاف حسین ... 19 Jun 2026	فرسودہ جاگیردارانہ نظام اورموروثی سیاست کے خاتمے کیلئےغریبوں کی حکمرا... 15 Jun 2026
کشمیریوں کوحق دینے کے بجائے گولیاں اورلاشیں دی جا رہی ہیں، یہ ظلم دی... 15 Jun 2026	اے پی ایم ایس او کے 48ویں یومِ تاسیس کے موقع پر ایم کیو ایم کینیڈا، ک... 14 Jun 2026
حق مانگنے پر کشمیریوں کوغدار،ملک دشمن اورانڈین ایجنٹ قراردیناشرمناک ہے... 14 Jun 2026	بلوچوں، پشتونوں اور کشمیریوں پر جوظلم وستم ڈھایاجارہا ہے کیا اس سے پا... 14 Jun 2026
اے پی ایم ایس اونے پاکستان کے فرسودہ نظام کوللکارا اور اسٹیٹس کوتوڑا۔ ... 14 Jun 2026	ایم کیو ایم آسٹریلیا، میلبرن یونٹ میں اے پی ایم ایس او کا 48واں یومِ ... 13 Jun 2026