عمران خان ، طالبان کی جانب سے مذاکراتی عمل کاحصہ بنیں تاکہ پاکستان کومستحکم اورمعصوم شہریوں کی جانیں بچایاجاسکے،سول سوسائٹی

کر اچی:(اسٹاف رپورٹر)

سول سوسائٹی کی جانب سے کراچی پریس کلب کے باہرپرامن مظاہرہ کیاگیاجس میں شریک مظاہرین نے پاکستان تحریک انصاف کے سربراۂ عمران خان سے پرّزور مطالبہ کیا گیا کہ عمران خان، طالبان کی جانب سے حکومت سے مذاکرات کیلئے بنائی گئی پانچ رکنی کمیٹی کی پیش کش کومن عن قبول کریں اورطالبان کی جانب سے مذاکراتی عمل کاحصہ بنیں تاکہ پاکستان کومستحکم اورمعصوم شہریوں کی جانیں بچایاجاسکے ۔مظاہرے میں سول سوسائٹی سے تعلق رکھنے والے افرادمیںیوتھ ونگ ، خواتین کے علاوہ مختلف شعبہ ہائے زندگی سے تعلق رکھنے والے شخصیات شامل تھیں جنہوں نے بینرزاورپلے کارڈزاٹھارکھے تھے جس پرعمران خان سے مطالبات تحریرتھے جن میں ’’عمران خان آپ مذاکرات سے بیک آؤٹ نہ کریں‘‘،’’عمران خان آپ نے کہاتھاکہ طالبان ہمارے اپنے ہیں توپھرملک میں امن کی خاطران سے مذاکرات کیوں نہیں کیے جارہے؟‘‘،’’عمران خان، آپ کی طالبان دوست پالیسی کے تحت ہی طالبان نے خود آپ کو نامزدکیا ہے تولہٰذااب آپ ملک میں امن وامان اورشہریوں کی جان ومال کے تحفظ کے خاطرمذاکرات میں شامل ہوں‘‘ ، ’’ خان صاحب !آپ طالبان کی جانب سے مذاکراتی کمیٹی کی پیش کش کو ٹھکرارہے ہیں تویہ آپ کے قول وفعل میں کھلا تصادنہیں؟‘‘پریس کلب کے باہرسول سوسائٹی کامظاہرین نے میڈیاکے نمائندوں سے گفتگوکرتے ہوئے کہاکہ عمران خان نے ہمیشہ طالبان سے مذاکرات کی بات کی ہے اورڈرون حملوں کومذاکرات کی راہ رکاوٹ قراردیاہے تاہم اب جب حکومت طالبان سے مذاکرات کیلئے تیارہے اورڈرون بھی تقریباًبندہوگئے ہیں عمران خان صاحب مذاکرات سے راہ فراراختیار کررہے ہیں۔مظاہرین نے مطالبہ کیاکہ عمران خان صاحب فوری طورپرطالبان کی آفرکوقبول کرکے مذاکراتی کمیٹی کاحصہ بنیں اوراپناتبدیلی کانعرہ پوراکریں۔