’’ شہیدانقلاب ‘‘ ڈاکٹرعمران فاروق شہید کانام ایم کیوایم کی تاریخ میں ہمیشہ زندہ رہے گا۔ جناب الطا ف حسین

لندن ۔۔۔ 15 ستمبر2015ء

متحدہ قومی موومنٹ کے قائدجناب الطاف حسین نے ’’ شہیدانقلاب ‘‘ ڈاکٹرعمران فاروق کی پانچویں برسی پراپنے ایک بیان میں انہیں زبردست خراج عقید ت پیش کرتے ہوئے کہاہے کہ ڈاکٹرعمران فاروق شہید کانام ایم کیوایم کی تاریخ میں ہمیشہ زندہ رہے گا۔ جناب الطا ف حسین نے کہاکہ ڈاکٹرعمران فاروق شہید تحریک کے ابتدائی ایام کے ساتھیوں میں سے ایک تھے جنہوں نے تحریک کے قافلے کوآگے بڑھانے اورتحریک کے فکروفلسفہ کوپھیلانے اورایم کیوایم کومنظم کرنے میں نمایاں کرداراداکیا۔ جناب الطا ف حسین نے کہاکہ تحریک کے خلاف ہونے والے بدترین ریاستی آپریشن کے دوران تمام ترریاستی مظالم ، جبروستم،سازشوں اور پروپیگنڈوں کے باوجود ڈاکٹرعمران فاروق شہید نے جس ثابت قدمی کامظاہرہ کیااورجس طرح آخری سانس تک تحریک سے وفاکونبھایاوہ تحریک کے تمام کارکنوں کیلئے مشعل راہ ہے ۔ جناب الطا ف حسین نے کہاکہ تحریک کیلئے ڈاکٹرعمران فاروق شہید کی قربانیوں کوکبھی بھی فراموش نہیں کیاجائے گا اوران کانام تحریک کی تاریخ میں ہمیشہ زندہ رہے گااورتحریک کے تمام ساتھیوں کے دلوں میں ان کااحترام ہمیشہ رہے گا۔ جناب الطاف حسین نے دعاکی کہ اللہ تعالیٰ ڈاکٹر عمران فاروق شہید کی مغفرت فرمائے، ان کے درجات بلندکرے اوران کے تمام لواحقین کوصبرجمیل عطاکرے۔