جوعناصر ایم کیوایم کو ختم کرنے کی سازشیں کررہے ہیں وہ انشاء اللہ کامیاب نہیں ہوں گے ،الطاف حسین

Posted on: 12/2/2016

جوعناصر ایم کیوایم کو ختم کرنے کی سازشیں کررہے ہیں وہ انشاء اللہ کامیاب نہیں ہوں گے ،الطاف حسین
ایم کیوایم شہیدوں کی قربانیوں کے صدقے قائم رہے گی
مہاجرقوم سے غداری کرنے والوں سے ایک ایک غداری کا حساب لیاجائے گا ، شہیدوں کی قربانیوں کو رائیگاں جانے نہیں دیاجائے گا
بعض افراد نے قوم کاپیسہ لوٹا اور قوم کانام استعمال کرکے اپنے اوراپنے خاندان کے مفادات کیلئے کام کیا، اس سلسلے میں تفصیلات ریکارڈپرموجودہیں اورمزیدریکارڈ کوبھی تیار کیاجارہاہے
انشاء اللہ جلد ہی پاکستان میں Truth and Reconciliationکا میدان سجے گا،قوم اورتحریک کو نقصان پہنچانے
والوں سے ان کے عمل کاحساب لیاجائے گا
کارکنان صبرکریں، اپنی صفوں میں اتحادبرقرار رکھیں اور اللہ کے انصاف پر بھروسہ رکھیں
انشاء اللہ بڑی سے بڑی ظالم قوت کوشکست فاش ہوگی اورحق پرستوں کوفتح حاصل ہوگی،۔ امریکہ اورکینیڈاکے ذمہ داران سے خطاب

متحدہ قومی موومنٹ کے قائدجناب الطاف حسین نے کہاہے کہ ایم کیوایم کوختم کرنے کی سازشیں ماضی میں بھی ناکام ہوئی ہیں اور آج بھی جوعناصر ایم کیوایم کو ختم کرنے کی سازشیں کررہے ہیں وہ انشاء اللہ اپنی سازشوں میں کامیاب نہیں ہوں گے ، ایم کیوایم شہیدوں کی قربانیوں کے صدقے قائم رہے گی ۔ انہوں نے یہ بات ایم کیوایم امریکہ اورکینیڈاکے ذمہ داران کے اجلاس سے خطاب کرتے ہوئے کہی۔ جناب الطاف حسین نے کہاکہ ایم کیوایم جب سے وجودمیں آئی ہے اس کوطاقت ،ظلم وجبراورسازشوں کے ذریعے ختم کرنے اور کمزورکرنے کی کوششیں کی جاتی رہی ہیں لیکن تحریک کے باوفاکارکنوں اورحق پرست عوام نے تمام ترمظالم کے باوجود اپنے اتحادسے ان سازشوں کو ناکام بنایا اور قربانیاں دے کرتحریک کوزندہ رکھاہے۔انہوں نے کہاکہ جس تحریک میں ہزاروں شہیدوں کالہوشامل ہوجائے اورجوعوام کے دلوں میں موجودہو اسے ختم نہیں کیاجاسکتا۔جناب الطاف حسین نے کہاکہ جس طرح دنیاکی ہرمظلوم قوم کے حقوق کی جدوجہدکونقصان پہنچانے کیلئے اس میں شامل بعض لوگوں نے غداری کاارتکاب کیا اسی طرح بدقسمتی سے مہاجروں کے حقوق کی اس جدوجہد کو نقصان پہنچانے کیلئے مہاجر حقوق کی تحریک میں شامل بعض افرادنے بھی قوم سے غداری کاعمل کیا۔انہوں نے کہاکہ مہاجرقوم سے غداری کرنے والوں سے ایک ایک غداری کا حساب لیاجائے گا اور شہیدوں کی قربانیوں کوکسی بھی قیمت پر رائیگاں جانے نہیں دیاجائے گا۔انہوں نے کہاکہ بعض افراد نے قوم کاپیسہ لوٹا اور قوم کانام استعمال کرکے اپنے اوراپنے خاندان کے مفادات کیلئے کام کیاجس کی جتنی مذمت کی جائے کم ہے ۔ انہوں نے مزید کہا کہ اس سلسلے میں تفصیلات ریکارڈپرموجودہیں اورمزیدریکارڈ کوبھی تیار کیاجارہاہے ۔انشاء اللہ جلد ہی پاکستان میں Truth and Reconciliationکا میدان سجے گا اورقوم اورتحریک کو نقصان پہنچانے والوں سے ان کے عمل کاحساب لیاجائے گا۔جناب الطاف حسین نے کارکنوں سے کہاکہ وہ صبرکریں، اپنی صفوں میں اتحادبرقرار رکھیں اور اللہ کے انصاف پر بھروسہ رکھیں، انشاء اللہ بڑی سے بڑی ظالم قوت کوشکست فاش ہوگی اورحق پرستوں کوفتح حاصل ہوگی۔

*****

12/10/2025 11:17:58 PM

شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025	یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025
صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025	کہا جارہا ہے کہ پی ٹی آئی والوں کے پاس دو راستے ہیں کہ وہ عمران خان سے... 07 Dec 2025
پیپلزپارٹی نے اس طرح یہ تاثردیاکہ سندھی ثقافت توڑپھوڑ، جلاؤ گھیراؤاورت... 07 Dec 2025	تحریک انصاف والوں نے مجھ پربہتان لگاکر سُر چھیڑا ہے،اب انہیں پورا راگ ... 06 Dec 2025
ایم کیوایم نے فرسودہ جاگیردارانہ نظام اور کرپٹ اقتدارمافیا کو چیلنج ک... 06 Dec 2025	ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025
اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025	ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025