ایم کیوایم نارتھ کراچی سیکٹرکے کارکن محمدعادل شہیدکوہزاروں سوگواران کی آہوں اورسسکیوں میں شہداء قبرستان میں سپردخاک کردیاگیا

کراچی ۔۔۔11، فروری 2014ء 

گذشتہ روز قانون نافذکرنیوالے ادارے کے اہلکاروں کی جانب سے گرفتاری کے بعد انسانیت سوزبہیمانہ تشددسے شہیدہونیوالے متحدہ قومی موومنٹ نارتھ کراچی سیکٹر کے کارکن محمد عادل شہیدکو ہزاروں سوگواروں کی آہوں اورسسکیوں کے درمیان شہداء قبرستان عزیزآبادمیں سپردخاک کردیاگیا۔نمازجنازہ اورتدفین میں ایم کیوایم کی رابطہ کمیٹی کے ارکان ڈاکٹرمحمد فاروق ستار،محمدواسع جلیل ، خالد سلطان، حیدرعباس رضوی،حق پرست اراکین قومی وصوبائی اسمبلی عبدالوسیم ،انورعالم، وسیم قریشی،جمال احمد،عبدالرؤف صدیقی، سابق اراکین اسمبلی،کراچی تنظیمی کمیٹی کے ذمہ داران،لیبرڈویژن،ایلڈرزونگ،اے پی ایم ایس او،نارتھ کراچی سیکٹرکمیٹی ارکان، یونٹ کمیٹیوں کے عہدیداران، کارکنان،عوام ہمدرد عوام اورشہیدکے عزیزواقارب نے کثیر تعدادمیں شرکت کی اورمحمدعادل شہیدکی مغفرت ،ان کے درجات کی بلندی اور سوگواران لواحقین کے صبر جمیل کیلئے اجتماعی دعائیں کیں اور شہیدکوزبردست خراج عقیدت و سلام عقیدت پیش کیا۔اس سے قبل جیسے ہی عادل شہیدکاجسدخاکی خدمت خلق فاؤنڈیشن ایمبولینس کے ذریعے ان کی رہائشگاہ لایا گیا اس موقع پر انتہائی رقت آمیزمناظردیکھنے میںآئے ، علاقے میں گہرام مچ گیااورہرآنکھ آشکبارتھی جبکہ شہیدکی بہنیں اوربھائیوں سمیت دیگر سوگوار لواحقین شدیدغم سے نڈھال تھے جنہیں موقع پر موجودایم کیوایم کے ذمہ داران نے دلاسہ دیا۔بعدازاں محمدعادل شہیدکی نمازجنازہ بعدنمازعصرنارتھ کراچی سیکٹر 5C-4کے روڈپراداکی گئی اور شہیدکا جنازہ خدمت خلق فاؤنڈیشن کی میت بسوں میں جلوس کی شکل میں نارتھ کراچی سے شہداء قبرستان لیجایاگیاجہاں محمدعادل شہیدکی تدفین عمل میںآئی اس موقع پرشہیدکی مغفرت،ان کے درجات کی بلندی اورسوگواران کے صبرجمیل کیلئے دعا کی ۔