ایم کیوا یم کے تحت اتوار کے روز قائد اعظم محمد علی جناح کے مزار کے سامنے بڑااحتجاجی جلسہ منعقد کیاجائے گا،ترجمان
مظاہرے میں ایم کیوا یم کی رابطہ کمیٹی ،اور کارکنان سمیت مختلف شعبہ ہائے زندگی سے تعلق رکھنے والے معزز و معروف افراد اور عوام کی بڑی تعداد میں شرکت متوقع ہے،ترجمان ایم کیو ایم
کراچی ۔۔۔23جنوری2016ء
متحدہ قومی موومنٹ کے قائد جناب الطاف حسین کی تقاریر، تصاویر اور سرگرمیوں کی پرنٹ و الیکٹرانک میڈیا میں کوریج پر پابندی کے خلاف ایم کیوا یم کے تحت اپنے جمہوری و آئینی حق کو استعمال کرتے ہوئے اتوار کے روز قائد اعظم محمد علی جناح کے مزار کے سامنے بڑااحتجاجی جلسہ منعقد کیاجائے گا۔احتجاجی جلسے کا مقصد ملک میں آزادی اظہار رائے کے خلاف جناب الطاف حسین پر پابند ی کے اقدام کی جانب وفاقی حکومت ، انسانی حقوق کی تنظیموں اور بین الاقوامی برادری کی تو جہ مبذول کرواناہے۔احتجاجی مظاہرے میں ایم کیوا یم کی رابطہ کمیٹی ، تنظیمی شعبہ جات، نو منتخب بلدیاتی نمائندوں اور کارکنان سمیت مختلف شعبہ ہائے زندگی سے تعلق رکھنے والے معزز و معروف افراد اور عوام کی بڑی تعداد میں شرکت متوقع ہے۔